Чыпка Жаңылыктар

Армениянын ишкерлери Евразия экономикалык бирлигинин (ЕАЭБ) чек ара аралык рынокторунда бизнес алып барууда туш келген татаалдыктар Евразия экономикалык комиссиясынын (ЕЭК) монополияга каршы блогунун Коомдук кабылдамасынын Еревандагы (Армения Республикасы) көчмө отурумунун негизги темасы болду. Акыркы төрт айдын ичинде ЕЭК эксперттери ЕАЭБдин катышуучу өлкөлөрүнүн бизнесинин өкүлдөрү менен 22 жолугушуу өткөрдү.

Евразия экономикалык бирлигинин (ЕАЭБ) атаандаштык артыкчылыгы – анын аймагы. Бирок, эгер Бирликтин транспорттук экотутуму туура уюштурулбаса, биз транзит аймагы катары транспорттук потенциалыбызды толук кандуу ишке ашыра албайбыз. Ушундай максат менен Евразия экономикалык комиссиясы (ЕЭК) санариптик транспорт коридорлорунун экотутумунун концецпиясын иштеп чыкты, ал кийинки жылдын 30-январында өкмөт башчыларынын кароосуна көрсөтүлмөкчү. Бул тууралуу ЕЭК Коллегиясынын Төрагасы Тигран Саркисян 20-ноябрда Москвада "Транспорт жумалыгы" форумунун алкагында өткөрүлгөн "Транспорт – евразиялык интеграциянын негизи" деп аталган пленардык сессияда билдирди.

"Биз акыркы үч жылдын ичинде ЕАЭБге темир жол машина куруу продукциясын өз ара жеткирүүлөрдүн туруктуу өсүшүн байкоодобуз. Бирликте темир жол транспорту үчүн себилдегичтер менен өз ара соода жүргүзүү ушул жылдын акыркы үч кварталынын ичинде өткөн жылдын ушундай эле мезгил аралыгына салыштырмалуу дээрлик 50%га өскөн", – деп билдирди Евразия экономикалык комиссиясынын (ЕЭК) Өнөр жай саясаты департаментинин бөлүм башчысы Дмитрий Ярошенко.

Евразия экономикалык комиссиясынын (ЕЭК) Коллегиясынын Төрагасы Тигран Саркисян Confindustria Russia Италия өнөр жайчылар ассоциациясынын президенти Эрнесто Ферленги менен жолугушту. Аталган жолугушуу 19-ноябрда ЕЭКтин штаб-квартирасында болуп өттү.

19-ноябрда Евразия экономикалык комиссиясынын (ЕЭК) Коллегиясы ички рыноктун иши, Евразия экономикалык бирлигинин (ЕАЭБ) өлкөлөрүнүн экономикаларын санариптештирүү, транспорт, техникалык жана бажылык жөнгө салуу, өнөр жай чөйрөлөрүндөгү жана бир катар башка чөйрөлөрдөгү маселелерди карап чыкты. ​

Товарлар менен эл аралык соода жүргүзүүнүн статистикасы маселелери (ТЭСС) боюнча Нур-Султанда (Казакстан Республикасы) болуп өткөн эл аралык семинарда эксперттик коомдоштук Евразия экономикалык бирлигинде (ЕАЭБ) товарлар менен тышкы жана өз ара соода жүргүзүүнүн статистикасын 2025-жылга чейин өнүктүрүү боюнча "жол картасынын" долбоорун жактырды.

18-ноябрда Москвада Евразия экономикалык бирлигинин (ЕАЭБ) өлкөлөрүнүн өкмөт башчыларынын орун басарларынын жана ЕЭК Коллегиясынын Төрагасы Тигран Саркисяндын катышуусунда Евразия экономикалык комиссиясынын (ЕЭК) Кеңешинин отуруму болуп өттү. ЕЭК Кеңешинин мүчөлөрү евразиялык экономикалык интеграцияны өнүктүрүү, ички рыноктун иштеши, ЕАЭБ өлкөлөрүнүн экономикаларын санариптештирүү, бир катар товарларды идентификациялоо каражаттары менен милдеттүү түрдө маркалоону киргизүү, каржы саясаты, кызмат көрсөтүүлөрдүн бирдиктүү рыногу, өнөр жай, техникалык жөнгө салуу, эл аралык кызматташтык чөйрөлөрүндөгү жана бир катар башка чөйрөлөрдөгү маселелерди карап чыгышты.

14-ноябрда Евразия экономикалык комиссиясынын (ЕЭК) Москвадагы штаб-квартирасында ЕЭК Коллегиясынын каржы рыноктору боюнча Консультативдик комитети жана Евразия борбордук депозитарийлер ассоциациясы (ЕБДА) кызматташтык жөнүндө меморанду​мга кол коюшту. Меморандумга ЕЭК тараптан Коллегиянын экономика жана каржы саясаты боюнча мүчөсү (министр) Тимур Жаксылыков, ЕБДА тараптан – Ассоциациянын төрагасы Ваган Степанян кол коюшту.

13-14-ноябрда Евразия экономикалык комиссиясынын (ЕЭК) Москвадагы штаб-квартирасында болуп өткөн эл аралык семинардын катышуучулары эл аралык соодада электрондук фитосанитардык сертификаттарды колдонууну талкуулашты.

"Евразия экономикалык бирлигинин окуу жайлары тарабынан бирдиктүү экономикалык мейкиндикте өздөрүнүн билимин колдонууга жөндөмдүү, жогорку квалификациялуу адистердин даярдалышы – Бирликтин интеграциялык потенциалын ишке ашыруу үчүн негизги кадамдардын бири болуп саналат", – деп Евразия экономикалык комиссиясынын (ЕЭК) Коллегиясынын экономика жана каржы саясаты боюнча мүчөсү (министр) Тимур Жаксылыков 12-ноябрда Ереван мамлекеттик университетинде өткөрүлгөн лекциясынын жүрүшүндө билдирди.