Чыпка Жаңылыктар

"Биздин Бирликке беш жыл толду. Бул кыска мөөнөттүн ичинде биз бирдиктүү экономикалык мейкиндикти түзүү боюнча олуттуу жолду басып өттүк, – деп Евразия экономикалык комиссиясынын (ЕЭК) Коллегиясынын техникалык жөнгө салуу боюнча мүчөсү (министр) Виктор Назаренко Беларусь Республикасынын Президентине караштуу Башкаруу академиясында "Техникалык жөнгө салуунун бирдиктүү тутуму Евразия экономикалык бирлигинин (ЕАЭБ) мүчө мамлекеттеринин интеграциясынын негизги шарты катары" деген темада чыгып сүйлөгөн сөзүндө билдирди. – ЕАЭБдин ИДӨсү акыркы жылдарда эң жогорку өсүш темптерин көрсөттү. Мисалы, 2018-жылда Бирликтин ИДӨсүнүн өсүшү туруктуу баалар менен алганда 2,5% түздү. ЕАЭБдин ичиндеги өз ара сооданын көлөмү 9,2%га өстү. Үчүнчү өлкөлөр менен тышкы содданын көлөмү 2017-жылга салыштырмалуу 18,8%га өскөн, ал эми экспорт – 26,8%га". Аталган иш-чара евразиялык интеграция идеясынын 25-жылдыгына жана Евразия экономикалык бирлиги жөнүндө келишимге кол коюлгандыгынын 5-жылдыгына арналды.

Интеграциянын альтернативалары жок, бул глобалдык дүйнөлүк тренд. Евразия экономикалык бирлигинин (ЕАЭБ) өлкөлөрүнүн өз ара аракеттенүүнү кеңейтүү үчүн бардык перспективалары бар. Бул тууралуу жана ЕАЭБдин өнүгүү өзгөчөлүктөрү тууралуу Евразия экономикалык комиссиясынын (ЕЭК) Коллегиясынын Төрагасы Тигран Саркисян "Жогорку экономика мектеби" Улуттук изилдөө университетинде (ЖЭМ УИУ) өткөрүлгөн ЕАЭБдин V Эл аралык форумунун ачылыш аземинде айтып берди.

Соода макулдашууларындагы атаандаштык жөнүндө жоболор, санариптик экономика өнүгүп жаткан доордо атаандаштык маселелери, ошондой эле атаандаштык ведомстволорунун ишмердигинин натыйжалуулугунун көйгөйлөрү 5-6-декабрда Парижде (Франция) өткөрүлгөн Атаандаштык боюнча глобалдык форумдун 18-отурумунун негизги темалары болду. Евразия экономикалык комиссиясынын (ЕЭК) Коллегиясынын атаандаштык жана монополияга каршы жөнгө салуу боюнча мүчөсү (министр) Серик Жумангарин форумда Евразия экономикалык бирлигинин (ЕАЭБ) соода макулдашууларындагы атаандаштык жөнүндө жоболорго сереби менен чыгып сүйлөдү.

"Евразия экономикалык бирлигинин өлкөлөрүнүн ишканаларынын ортосундагы кооперациялык жана ишкердик байланыштардын бекемделиши ЕАЭБдеги өнөр жайлык өсүшкө өбөлгө түзөт", – деп Евразия экономикалык комиссиясынын (ЕЭК) Өнөр жай саясаты департаментинин директорунун орун басары Тигран Арутюнян 6-декабрда Москвада Россия-Армения бизнес-форумунда билдирди.

Евразия экономикалык комиссиясы (ЕЭК) ЕККУ менен өз ара аракеттенүүнү активдештирүүгө даяр. Бул тууралуу ЕЭКтин Интеграцияны өнүктүрүү департаментинин директорунун орун басары Гоар Барсегян 5-декабрда Братиславада (Словакия Республикасы) Албаниянын Австрия Республикасындагы Атайын жана Ыйгарым Укуктуу Элчиси Игли Хасани менен жолугушууда билдирди. 2020-жылда ЕККУдагы төрагалык Албанияга өтмөкчү.

Москва метрополитенинин Айланма линиясында Евразия экономикалык бирлигинин (ЕАЭБ) беш жылдыгына карата тематикалык поезд жүрөт баштады. Аталган поезд 6-декабрда "Красная Пресня" электродепосунан сапарын баштады.

Евразия экономикалык комиссиясынын (ЕЭК) Коллегиясынын Төрагасы Тигран Саркисян Көз карандысыз Мамлекеттердин Шериктештигинин (КМШ) Аткаруучу комитетинин чакыруусу менен КМШнын Экономикалык кеңешинин отурумунда катышты.

Евразия экономикалык бирлигинин (ЕАЭБ) жана Монголиянын ишкердик коомдоштуктарынын линиясы боюнча байланыштарды активдештирүү, Евразия экономикалык комиссиясынын (ЕЭК) жана негизги бизнес-ассоциациялардын көмөк көрсөтүүсү 4-декабрда Москвада өткөрүлгөн "Россия – Монголия. ЕАЭБдин жалпы рыногунда бизнес алып баруу" деп аталган форумдун көңүл борборунда болду. Форумдун жыйынтыктарынын бири ЕЭКтин жана Монголиянын Өкмөтүнүн ортосунда 2020-2021-жылдарга карата иш-чараларга кол коюлушу болду.

Евразия экономикалык комиссиясынын (ЕЭК) Коллегиясынын соода боюнча мүчөсү (министр) Вероника Никишина жана учурда Москвада иш сапары менен жүргөн, БСУнун башкы директорунун орун басары Алан Вульф Бүткүл дүйнөлүк соода уюмун (БСУ) реформалоонун багыттарын жана Евразия экономикалык бирлигинин (ЕАЭБ) соодалык күн тартибин талкуулашты.

Евразия экономикалык комиссиясынын (ЕЭК) Коллегиясынын соода боюнча мүчөсү (министр) Вероника Никишина Москвада VI Евразия экономикалык конгрессинин отурумунда Евразия экономикалык бирлигинин (ЕАЭБ), Европа бирлигинин, Кытайдын жана Индиянын ортосундагы диалогду өнүктүрүүдөгү бизнестин ролу тууралуу айтып берди.