Чыпка Жаңылыктар

Армения Республикасы Евразия экономикалык биримдигине (ЕАЭБ) кошулуудан кандай оң жана терс жыйынтыктарды алды, интеграциянын алкагында анын перспективалары жана мүмкүнчүлүктөрү кандай, ошондой эле өлкөдө санариптик маселелерди өнүктүрүү сыяктуу маселелер 6-июлда Ереванда өткөн “Армения Республикасы: Евразия экономикалык биримдигиндеги эки жыл. Биринчи жыйынтыктар” тегерек столунун алкагында талкууланды.
​

Евразия экономикалык биримдигинин (ЕАЭБ) Кытай менен өз ара иштешүүсүнүн жана евразия интеграциялык долбоорунун жана Жибек жолунун Экономикалык алкагы (ЖЖЭА) кытай демилгесинин айкалышынын перспективалары туурасында Евразия экономикалык комиссиясынын (ЕЭК) Интеграцияны өнүктүрүү департаментинин директору Сергей Шухно “Россия жана Кытай: жаңы, сапаттуу эки тараптуу мамилелерге” эл аралык конференциясынын катышуучуларына айтып берди.

Евразия экономикалык комиссиясынын Коллегиясы (ЕЭК) бир катар товарларга бажы алымдарын белгилеп, репродуктивдүү материалга карата ветеринардык талаптарга өзгөртүүлөрдү киргизди, ЕЭК менен Азия жана Тынч океан үчүн Бириккен Улуттар Уюмунун (ЭСКАТО ООН) Экономикалык жана социалдык комиссиясынын ортосунда кызматташуу программасынын долбоорун жактырды, Комиссиянын тастыктоочу борборун түзүүгө жана электрондук кол тамганы өз ара таануу менен мамлекет аралык электрондук документ жүгүртүү системасын ишке киргизүүнү баштоого өбөлгө түзгөн маалымат коопсуздугуна коркунуч моделин тастыктады.​

Евразия өкмөттөр аралык кеңешинин отуруму 26-майда Казанда өттү (Россия Федерациясы). Евразия экономикалык биримдигинин (ЕАЭБ) беш өлкөсүнүн премьер-министрлери интеграциялык процесстерди тереңдетүү, анын ичинде товарлардын, кызмат көрсөтүүлөрдүн жана эмгек ресурстарынын эркин кыймылы үчүн тоскоолдуктарды жана чектөөлөрдү четтетүү үчүн маанилүү бир катар маселелерди, Биримдиктин санариптик күн тартибин жана өзөктүү тармактарда илимий изилдөө жана тажрыйбалык-конструктордук иштерди колдоо аркылуу инновацияларды жайылтуу үчүн мүмкүнчүлүктөрдү талкуулашты. ​

Евразия экономикалык биримдигинин (ЕАЭБ) алкагында интеграцияны тереңдетүү евразиялык мамлекеттердин “бешилтигин” Бириккен Улуттар Уюмунун (БУУ) туруктуу өнүгүү максаттарын жүзөгө ашырууга жакындатат. Мындай билдирүүнү Евразия экономикалык комиссиясынын (ЕЭК) интеграция жана макроэкономика боюнча Коллегия мүчөсү (министр) Татьяна Валовая БУУ Экономикалык жана Социалдык Кеңештерин өнүктүрүүнү каржылоо боюнча ар жылдык форумда (ЭКОСОС) жасады. Иш чара 22-25-майда БУУ штаб-квартирасында Нью-Йоркто өттү. ЕЭК министри Татьяна Валовая иш-чаранын министрлик сегментине катышты.

Евразия экономикалык биримдигинин (ЕАЭБ) жана Индонезиянын соода-экономикалык мамилелерин өнүктүрүү үмүкүнчүлүктөрү Удаяна университетинде (Денпасар, Индонезия Республикасы) өткөн “Евразия экономикалык биримдиги: Индонезия үчүн чакырыктар жана мүмкүнчүлүктөр” эл аралык семинарында талкууланды. Евразия экономикалык комиссиясынын (ЕЭК) интеграция жана макроэкономика боюнча министринин жардамчысы Федор Черницын өз сөзүндө белгилеп өткөндөй, Комиссия ЕАЭБ-АТЭК көп тараптуу форматта да, эки тараптуу негизде да диалог үчүн ачык.​

Евразия экономикалык биримдигинин (ЕАЭБ) жана Грек Республикасынын соода-экономикалык кызматташтыгын өнүктүрүү маселелерин Евразия экономикалык комиссиясынын (ЕЭК) Интеграцияны өнүктүрүү департаментинин директору Сергей Шухно 2017-жылдын 18-20-майында Афиныда Грециянын өкмөтүнүн жана бизнес-коомчулугунун өкүлдөрү менен талкуулады.​

Евразия экономикалык биримдигинин (ЕАЭБ) жана Босния жана Герцеговина Республикасынын ортосунда эки тараптуу өз ара иштешүүнүн жана соода-экономикалык байланыштарды өнүктүрүүнүн маселелерин Евразия экономикалык комиссиясынын (ЕЭК) Интеграцияны өнүктүрүү департаментинин директорунун орун басары Гоар Барсегян жана республиканын эл аралык соода мамилелери боюнча министринин жардамчысы Мидхат Салич талкуулашты.​

Евразия экономикалык биримдигинин (ЕАЭБ) мүчө мамлекеттеринин өндүрүүчүлөрүнүн жаңы рынокторго жеткилиги боюнча жаңы мүмкүнчүлүктөр туурасында жаш эксперттерге, окумуштууларга жана журналисттерге Евразия экономикалык комиссиясынын (ЕЭК) Интеграцияны өнүктүрүү департаментинин директору Сергей Шухно айтып берди. ЕЭК өкүлү 16-майда Беларусь Республикасынын Россия Федерациясындагы Элчилигинде “ЕАЭБтин эл аралык кызматташтыгы” мектебинин алкагында чыгып сүйлөгөн, иш-чара Евразия экономикалык комиссиясы жана Эл аралык иштер боюнча россиялык кеңеш тарабынан уюштурулган.​

16-майда Евразия экономикалык комиссиясынын (ЕЭК) Коллегиясынын отуруму болуп өттү. Күн тартибине техникалык жөнгө салуу маселелери кирди. Атап айтканда, Евразия экономикалык биримдигинин (ЕАЭБ) “Таңгакталган ичүүчү суунун, анын ичинде табигый минералдык суунун коопсуздугу жөнүндө” техникалык регламентинин долбоору жактырылды. Мындан тышкары, ЕЭК Коллегиясынын мүчөлөрү (министрлер) Евразия Өкмөттөр аралык кеңешинин 2020-жылы ЕАЭБ өлкөлөрүндө калкты улуттук кайра каттоону даярдоону жана өткөрүүнү камсыздоого байланыштуу тескемелеринин долбоорун карап чыгышты.​