Чыпка Жаңылыктар

Евразия экономикалык биримдигинин (ЕАЭБ) өлкөлөрүнүн жана Молдова Республикасынын ортосундагы толук кандуу соода-экономикалык байланыштарды калыбына келтирүүнүн жана андан ары өнүктүрүүнүн перспективалары Евразия экономикалык комиссиясынын (ЕЭК) жана Молдованын ортосунда өз ара иштешүү боюнча биргелешкен жумушчу топтун экинчи отурумунун негизги темасы болду.​

Биримдик өлкөлөрүнө киргизилген товарлардын ар кандай түрлөрүнө кириш бажы алымдарынын чендерин өзгөртүү, жана ЕАЭБ өлкөлөрүндөгү агроөнөр жай комплексиндеги жагдайды талкуулоо 27-ноябрда өткөн ЕЭК Коллегиясынын отурумунун негизги темалары болду.​

Алдын ала баа берүүлөр боюнча 2017-жылдын жети айы ичинде Евразия экономикалык биримдигинин ИДӨсүнүн көбөйүүсү 1,8%. түзгөн. Биримдикке мүчө мамлекеттерин экономикасы - жогорулоодо, жана бул интеграциялык процесстердин өнүгүүсү үчүн кошумча мүмкүнчүлүктөрдү жаратат. Бул тууралуу Евразия экономикалык комиссиясынын (ЕЭК) Интеграция жана макроэкономика боюнча Коллегия мүчөсү Татьяна Валовая Жогорку Евразия экономикалык кеңешинин Сочиде өткөн пресс - конференциясында билдирди.​

Евразия экономикалык комиссиясы жана Марокко Королдугунун өкмөтүнүн ортосунда Кызматташтык жөнүндө меморандумга ЕЭКтин интеграция жана макроэкономика боюнча Коллегия мүчөсү (министр) Татьяна Валоваянын 28-29-сентябрда Марокко Королдугуна болгон жумушчу сапарынын жүрүндө кол коюлду. Биргелешкен жумушчу топ түзүлүп, анын негизги негизги максаты - Евразия экономикалык биримдигинин (ЕАЭБ) өлкөлөрү менен Марокконун соода-экономикалык кызматташтыгын өнүктүрүү үчүн мүмкүнчүлүктөрүн талкуулоо, соода байланыштарын өстүрүү жана диверсификациялоо, бири-биринин рынокторуна өз ара жеткиликти жеңилдетүү үчүн биргелешкен иш-чараларды өткөрүү болмокчу. Жумушчу топко ЕЭК өкүлдөрү, Биримдиктин өлкөлөрүнүн жана Марокконун улуттук өкмөттөрүнүн, ошондой эле алты мамлекеттин бизнес-ассоциацияларынын өкүлдөрү киришет. Биринчи отурум 2018-жылдын март айында өткөрүлмөкчү.

Евразия экономикалык биримдигинде (ЕАЭБ) атаандаштыктын эрежелерин бузуу жөнүндө маселе Евразия экономикалык комиссиясынын (ЕЭК) Коллегиясынын 26-сентябрындагы отурумунда каралды. 2015-жылдын январынан 2016-жылдын 30-июнуна чейинки мезгил аралыгында "Новолипецк металлургиялык комбинаты" (НЛМК) жана "ВИЗ-Сталь" ЖЧКсы Биримдик өлкөлөрүнүн сатып алуучуларга бирдей эмес шарттарды түзүү менен, электротехникалык анизатроптук болот сегментинде үстөмдүк кылуучу абалын кыянаттык менен колдонушкан. Ишканаларга жана эки жетекчиге айып коюлган. Бул ЕАЭБте керектөөчүлөрдүн укуктарын жана атаандаштыктын эркиндигин коргоо боюнча, ЕЭКтин тажрыйбасындагы биринчи чечими болду.​

19 сентября прошла Коллегия Евразийской экономической комиссии (ЕЭК). Обсуждались вопросы развития интегрированной информационной системы ЕАЭС, углубления интеграции и таможенного сотрудничества стран Евразийского экономического союза (ЕАЭС).19-сентябрда Евразия экономикалык комиссиясынын (ЕЭК) Коллегиясы болуп өттү. ЕАЭБтин интеграцияланган маалыматтык системасын өнүктүрүү, Евразия экономикалык биримдигинин (ЕАЭБ) өлкөлөрүнүн интеграциясын жана бажы кызматташтыгын тереңдетүү маселелери талкууланды. ЕЭК Коллегиясы ЕАЭБ өлкөлөрүндө Кеме жүргүзүү жөнүндө долбоорду жактырды.​

Евразия экономикалык биримдигинин (ЕАЭБ) мүчө-мамлекеттеринин жана Монголиянын ортосундагы кызматташтыкты өнүктүрүү маселелерине арналган бизнес-форум ушул жылдын октябрь айынын башында Улан-Батордо өткөрүлөт.​

Бажы кызматташтыгы, санариптик күн тартип жана агрардык сектордогу кызматташуунун перспективалары 2018-жылы Евразия экономикалык биримдигинин (ЕАЭБ) өлкөлөрүнүн жана Чилинин ортосунда өз ара иштешүүнүн артыкчылыктуу багыттары болмокчу. Бул туурасында 26-июлда Москвада өткөн жолугушууда Евразия экономикалык комиссиясынын (ЕЭК) интеграция жана макроэкономика боюнча Коллегия мүчөсү (министр) Татьяна Валовая жана Чили Республикасынын тышкы иштер министринин соода боюнча орун басары Паулина Назаль макулдашышты.​

Евразия экономикалык биримдигинин (ЕАЭБ) жана Европа союзунун (ЕС) ортосунда расмий өнөктөштүк байланыштарды тезирээк орнотуу зарылчылыгы жөнүндө идея “Ири Европанын жолугушуулары” 5-эл аралык жаштар форумунун көңүл чордонунда болду. Аталган форум 24-25-июлда Парижде Бириккен Улуттар Уюмунун билим берүү, илим жана маданият маселелери боюнча уюмунун (ЮНЕСКО) жана А.М. Горчаков атындагы Ачык дипломатияны колдоо фондунун демилгеси жана бир катар ири француз ​компанияларынын колдоосу менен өткөрүлгөн. ​

Евразия экономикалык биримдигинде (ЕАЭБ) Туруктуу өнүгүүнүн максаттарына (ТӨМ) жетүү жөнүндө баяндаманы Евразия экономикалык комиссиясынын (ЕЭК) Кеңешинин Төрагасы, Кыргыз Республикасынын Вице-премьер-министри Олег Панкратов Бириккен Улуттар Уюмунун (БУУ) штаб-квартирасында тааныштырды. БУУ Экономикалык жана Социалдык Кеңешинин (ЭКОСОС) Туруктуу өнүгүү боюнча жогорку деңгээлдеги саясий форумунда - БУУнун 2030-жылга чейин туруктуу өнүгүү жаатында күн тартибинин мониторинги боюнча негизги иш-чарада ачык талкуу үчүн мындай баяндама даярдаган биринчи аймактык интеграциялык бирикме ЕАЭБ болду. ​