Чыпка Жаңылыктар

«Евразиялык интеграция темасы жаш муундар үчүн улам перспективдүү болуп бара жатат. Силердин интеграция идеясынын шарына батканыңар ушул жуманын жыйынтыгы болуп калаарына үмүттөнөбүз», – деп билдирди Евразия экономикалык комиссиясынын (ЕЭК) Коллегиясынын Төрагасы Тигран Саркисян 1-октябрда Москвада, ЕЭКтин штаб-квартирасында Евразия интеграциясынын эл аралык мектебинин ачылыш аземинде.

25-августта Тверь областындагы «Завидово» комплексинде өткөн XX жайкы Дипломатиялык оюндарда Евразия экономикалык комиссиясынын (ЕЭК) курама командасы эки алтын, бир күмүш жана үч коло медалды утуп алды. ЕЭКтин спортсмендери эркектер арасында чоң теннис жана аялдар арасында 200 метрге кросс боюнча мелдештерде мыкты болуп калды. Табактарды атууда, баскетбол жана бильярд боюнча турнирлерде байгелүү орундарды ээледи.

ЕЭК Коллегиясынын Интеграция жана макроэкономика боюнча мүчөсү (министр) Татьяна Валовая менен Фарер аралдарынын тышкы иштер жана соода министри Поуль Михельсон 23-августта Торсхавнада (Фарерлер) Евразия экономикалык комиссиясынын (ЕЭК) жана Фарер аралдарынын өкмөтүнүн ортосундагы өз ара түшүнүшүү жөнүндө меморандумга кол койду. Документ Комиссиянын фарер тарап менен узакка созулган сүйлөшүүлөрүнүн натыйжасы болуп калды жана толук баалуу кызматташтыкты тереңдетүүгө өнөктөштөрдүн маанайын чагылдырат.

Евразия экономикалык бирлигинин (ЕАЭБ) бардык өзөктүү чөйрөлөрүндө, анын ичинде энергетикада, өнөр жайда, айыл чарбасында жана башка бир катар тармактарда интеграциянын жетишилген деңгээлин жана келечекке пландарды Евразия экономикалык комиссиясынын (ЕЭК) делегациясынын жана Беларустун мамлекеттик бийлик органдарынын, ишкер, илимий жана эксперттик жамааттарынын мүчөлөрү 15-августта Минскиде «Евразия экономикалык бирлиги: андан ары өнүгүү стратегиясы» конференциясында талкуулады. ЕЭК Беларусь Республикасынын өкмөтү менен бирдикте уюштурган иш-чаранын модератору Комиссиянын Интеграция жана макроэкономика боюнча коллегиясынын мүчөсү (министр) Татьяна Валовая болду.

«Астана» эл аралык каржы борборун (АЭКБ) ачуунун маанилүүлүгү дүйнөлүк жана евразиялык каржы тутумунун бөлүгү катары экенин Евразия экономикалык комиссиясынын (ЕЭК) интеграция жана макроэкономика боюнча министри Татьяна Валовая «ЕАЭБдин алкагында макулдашылган макроэкономикалык саясатты ишке ашырууга жана жалпы каржы рыногун түзүүгө блокчейн-технологиялардын жана криптовалюталардын тийгизген таасири» панелдик сессиясында белгиледи. ЕЭК министри модератор болуп чыккан иш-чара 4-июлда АЭКБнын расмий ачылыш аземине арналган Astana Finance Days конференциясынын алкагында болуп өттү. ​

Евразия экономикалык комиссиясынын (ЕЭК) интеграция жана макроэкономика боюнча министри Татьяна Валовая Евразия экономикалык бирлигинин (ЕАЭБ) өлкөлөрү криптовалюталар жана блокчейн чөйрөсүндөгү мыйзамдарды биргелешип өнүктүрүү керек деп эсептейт. Бул жөнүндө ал Беларусь Республикасынын Жогорку технологиялар паркынын бизнес-инкубаторунда өткөн эксперттер менен жолугушууда билдирди.​

Быйыл 2003-жылдын май айында Санкт-Петербургда болуп өткөн Россия – ЕБ саммитинде Жалпы европалык экономикалык мейкиндик концепциясынын негизинде Жалпы экономикалык мейкиндикти түзүү максатында кызматташууну бекемдөө жөнүндө мамлекеттердин жана өкмөттөрдүн башчыларынын биргелешкен билдирүүсү кабыл алынганына 15 жыл толду. Андан тышкары, Россия – ЕБ өнөктөштүгүнүн Туруктуу кеңеши иштей баштады, жана кызматташуунун олуттуу багыттары жана “жол картасын” түзүү боюнча диалог ачылды. «Мындай тарыхты эске алуу менен Европа бирлигинен өнөктөштөрүбүз менен ишенимди калыбына келтирүү жана активдүү диалогду жаңыртуу, ЕАЭБ менен ЕБдин ортосундагы мамилелерде түйүндү чечүү зарыл», – деп Евразия экономикалык комиссиясынын (ЕЭК) Коллегиясынын интеграция жана макроэкономика боюнча мүчөсү (министр) Татьяна Валовая Россиялык өнөр жайчылар жана ишкерлер бирлигинин (РӨИБ) штаб-квартирасындагы «ЕБ – ЕАЭБ жалпы экономикалык мейкиндигинин перспективалары: бизнес үчүн чакырыктар жана мүмкүнчүлүктөр» тегерек столунда билдирди.​

Евразия экономикалык бирлигинин (ЕАЭБ) жана Түштүк-Чыгыш Азия мамлекеттеринин ассоциациясынын (АСЕАН) ишкерлер жана расмий чөйрөлөрүнүн, бизнес-ассоциацияларынын өкүлдөрү Петербург эл аралык экономикалык форуму – 2018дин аянтчасында кызматташуунун перспективаларын талкуулоо үчүн алгачкы жолу чогулду. Пикир алышуу 23-майда «ЕАЭБ – АСЕАН соода-экономикалык кызматташуусу. Россиянын ролу» иш ланчы форматында болуп өттү.​

Евразия экономикалык бирлигинин (ЕАЭБ) өлкөлөрү менен Сингапур Республикасынын ортосундагы соода-экономикалык мамилелерди өнүктүрүү перспективалары Евразия экономикалык комиссиясы (ЕЭК) менен Сингапурдун өкмөтүнүн ортосундагы өз ара аракеттенүү боюнча биргелешкен жумушчу топтун экинчи отурумунун көңүл борборунда болду. Тараптардын эксперттеринин ортосундагы түз диалогду жолго салуунун маанилүүлүгү баса белгиленди.​

Жогорку Евразия экономикалык кеңешинин (ЖЕЭК) 14-майда Сочиде (Россия) өткөн отурумунун жүрүшүндө интеграция, макроэкономика, соода, санариптештирүү, кызматтарды көрсөтүү рыногу, транспорт, агроөнөр жай комплекси, техникалык жөнгө салуу чөйрөлөрүндө бир катар маанилүү чечимдер кабыл алынды.​