Евразия экономикалык комиссиясынын (ЕЭК) Коллегиясынын Төрагасы Тигран Саркисян 1-2-ноябрда Өзбекстан Республикасынын Премьер-министри Абдулла Ариповдун чакыруусу боюнча Шанхай кызматташтык уюмунун (ШКУ) мүчө мамлекеттеринин Өкмөт башчыларынын кеңешинин Ташкентте (Өзбекстан) болуп өткөн отурумунда катышты.

Отурумда ШКУнун мүчө мамлекеттеринин ортосундагы соода-экономикалык жана инвестициялык чөйрөлөрдөгү кызматташтыкты тереңдетүүнүн перспективалары жана чаралары талкууланды. ШКУнун мүчө мамлекеттеринин көп тараптуу соода-экономикалык кызматташтыгынын программасынын жаңы редакциясы, ошондой эле соода, айыл чарба, экология, санариптештирүү, транзит жана транспорт жаатындагы башка документтер кабыл алынды.

Маалымат

Сегиз өлкө ШКУнун мүчө мамлекеттери болуп саналат: Индия Республикасы, Казакстан Республикасы, Кытай Эл Республикасы, Кыргыз Республикасы, Пакистан Ислам Республикасы, Россия Федерациясы, Тажикстан Республикасы, Өзбекстан Республикасы.

Төрт өлкө ШКУнун алдындагы байкоочу мамлекет статусуна ээ: Афганистан Ислам Республикасы, Беларусь Республикасы, Иран Ислам Республикасы, Монголия Республикасы.