Sign In
ЕЭК Кеңеши килем жасоо үчүн бир катар пропилен жиптерге карата алып келүү бажы алымдарынын коюмун нөлгө түшүрдү

ЕЭК Кеңеши килем жасоо үчүн бир катар пропилен жиптерге карата алып келүү бажы алымдарынын коюмун нөлгө түшүрдү

22.02.19
22-февралда Москвада Евразия экономикалык комиссиясынын (ЕЭК) Кеңешинин отуруму болуп өтүп, анда интеграция, соода, бажылык жана техникалык жөнгө салуу, санитардык, ветеринардык жана фитосанитардык чараларды колдонуу маселелери каралды.

ЕЭК Кеңеши килем жана килем буюмдарын жасоо үчүн бир катар пропилен жиптерге карата Евразия экономикалык бирлигинин (ЕАЭБ) Бирдиктүү бажы тарифинин (ББТ) алып келүү бажы алымдарынын коюмун нөлгө түшүрдү, ЕАЭБ жана Кытай Эл Республикасынын бажы чек аралары аркылуу өтүүчү товарлар жана эл аралык ташуучу транспорт каражаттары жөнүндө маалымат алмашуу жөнүндө макулдашууну жактырды. Бир катар ченемдик укуктук документтерге өзгөртүүлөр киргизилди.

ЕЭК Кеңеши килем жана килем буюмдарын жасоо үчүн колдонулган, жана Бирликтин Тышкы экономикалык ишмердигинин бирдиктүү товардык номенклатурасынын (ТЭИ ТН) 5402 63 000 0 коду менен классификацияланган пропилен жиптеринин айрым түрлөрүнө карата ЕАЭБдин Бирдиктүү бажы тарифинин (ББТ) алып келүү бажы алымынын коюмун 2020-жылдын 29-февралына чейин нөлгө түшүрдү. Бүгүнкү күндө аларга карата коюм 5% түзөт. Аталган чара Бирликтин профилдик ишканаларына колдоо көрсөтөт, чыгарылып жаткан продукциянын өздүк наркын азайтууга жана атаандаштыкка жөндөмдүүлүгүн жогорулатууга, жана Бирликтин рыногунда ата мекендик товарлардын үлүшүн көбөйтүүгө мүмкүндүк берет.

ЕЭК Кеңеши Евразия экономикалык бирлигинин жана Кытай Эл Республикасынын бажы чек аралары аркылуу өтүүчү товарлар жана эл аралык ташуучу транспорт каражаттары жөнүндө маалымат алмашуу жөнүндө макулдашууну жактырды, жана аны, эл аралык макулдашууга кол коюудан мурда өткөрүлүүчү мамлекеттик ички жол-жоболорду өткөрүү үчүн, Бирликтин өлкөлөрүнө жиберүүгө буйрук берди.
 
Макулдашуу Бирликтин жана КЭРдин аймактарына алып келинүүчү товарларга, ошондой эле транзит менен ташылуучу товарларга карата бажы операцияларын ишке ашырууну тездетүү максатында иштелип чыккан. Тараптар маалымат алмашуунун жүрүшүндө алынган, товарлар жана эл аралык ташуучу транспорт каражаттары жөнүндө маалыматтарды тобокелдиктерди башкаруу чөйрөсүндөгү натыйжалуулукту жогорулатуу жана бажы контролунун формаларын мыктылоо үчүн пайдаланууну пландаштырууда. Мындай маалымат алмашуу эл аралык соода жол-жоболорун жеңилдетүүгө мүмкүндүк берет, бажылык жөнгө салуу чөйрөсүндөгү ченемдик укуктук актылардын бузулушун болтурбоого өбөлгө түзөт жана өз ара ишенимди арттырат. Макулдашууга ушул жылы кол коюлат деп күтүлүүдө.

ЕАЭБ өлкөлөрүндө ветеринардык контролго жаткан товарлардын Бирдиктүү тизмегине боюнча жаныбар майы өсүмдүк майына толугу менен же жарым-жартылай алмаштырылган сүт чийки затынан сүр быштактын технологиясы даярдалган тамак-аш азыктары киргизилди.

Көрүнүшү жана аталышы боюнча сүр быштак азыгы же жадагалса сүр быштак катары көрсөтүлгөнүнө карабастан, бул товарлар курамы боюнча «сүр быштак азыгы» деп классификацияланышы мүмкүн эмес. Сүт майы алмаштырылган сүт чийки затынан жасалган товарлардын эпизоотикалык тобокелдиктери ынак сүттөн жасалган товарлар үчүн тобокелдиктерге барабар.
 
Бирликтин Тышкы экономикалык ишмердигинин бирдиктүү Товардык номенклатурасынын айрым коддоруна шайкеш келген товардарды тизмеге киргизүү аларга ветеринардык контроль (көзөмөл) жүргүзүүгө жана аларды Бирликтин аймагына алып келүүдө аларга карата ветеринардык чараларды колдонууга мүмкүндүк берет. Бул ЕАЭБ мамлекеттеринде эпизоотикалык бейпилдиктин сакталышына өбөлгө түзөт.

ЕЭК Кеңеши ЕАЭБдин мүчө мамлекеттеринин жаныбарлардын өтө кооптуу, карантиндик жана зооноздук оорулары чыккан жерлердин алдын алуу, аныктоо, токтотуу жана жок кылууда өз ара аракеттенүү жана регионализациялоо жана компартментализациялоону өткөрүү тартибинин айрым жоболорун өзгөрттү.

Атап айтканда, жугуштуу оруунун чыккан жерин табуу жөнүндө маалыматты берүүнүн формасын экиге бөлүү каралды: эпизоотикалык жугуштуу жердин табылышы жөнүндө маалыматтар (катталгандыгы боюнча) жана аны жоюу боюнча чаралар жөнүндө маалыматтар (квартал сайын берилет). Бул жаныбарлардын жугуштуу ооруларынын табылышы жана жайылышы жана аларды жоготуу боюнча көрүлгөн чаралар жөнүндө ыйгарым укуктуу органдардын өз ара маалымдоосунун мезгилдүүлүгүн оптималдаштырууга мүмкүндүк берет. Тартиптин башка өзгөрүүлөрү Бирликтин өлкөлөрүнүн жаныбарлардын башка оорулары боюнча өз ара аракеттенүү формаларын жөнөкөйлөтөт.