Sign In
ЕАЭБ өлкөлөрү ЕЭК менен биргеликте дарылардын жана медициналык буюмдардын жалпы рыноктору үчүн ченемдик базаны иштеп чыгарууну улантышууда

ЕАЭБ өлкөлөрү ЕЭК менен биргеликте дарылардын жана медициналык буюмдардын жалпы рыноктору үчүн ченемдик базаны иштеп чыгарууну улантышууда

15.10.15

14-октябрда Астанада ЕЭК Кеңешинин алдында өткөрүлгөн кеңешмеде Евразия экономикалык комиссиясы дарылардын жана медициналык буюмдардын жүгүртүлүшү чөйрөсүндө макулдашууну жүзөгө ашырууну камсыздаган бир катар чечимдерди кабыл алды.

Кеңешмеге Евразия экономикалык биримдигинин (ЕАЭБ) мүчө өлкөлөрүнүн саламаттыкты сактоо министрликтеринин, Россиянын Өнөр жай жана соода министрлигинин жана Федералдык монополияга каршы кызматынын, ошондой эле эксперттик уюмдардын өкүлдөрү катышышты.

Атап айтканда, Тараптардын өкүлдөрү узактыгы 5 жылды түзгөн өткөөл мезгилди (2020-жылдын аягына чейин) киргизүүнү макулдашышты. Бул мезгилдин аралыгында дары препаратын каттоо жөнүндө арыз ээсине тандоо укугу берилет - дарылык препаратты кайсыл бир мүчө мамлекеттин рыногунда гана айландыруу үчүн аны ошол мүчө мамлекеттин мыйзамдарына ылайык каттоодон өткөрөт, ал эми Биримдиктин рыногунда айланышын кааласа, дарылык препаратты ЕАЭБтин мыйзамдарына ылайык каттайт. ЕЭК дарылар рыногун жөнгө салуу маселелери боюнча 2016-2017-жылдары иштеп чыгышы керек болгон документтердин долбоорлорунун тизмесин фармакологиялык көзөмөл жүргүзүүнүн айрым процедуралары боюнча атайын документтер менен толуктоо чечилген.

Мындан сырткары, айрым шарттар макулдашылды, ал шарттар сакталса, каттоо үчүн документтердин тийиштүү топтомуна кирген клиникалык изилдөөлөрдүн өткөрүлүшү жөнүндө отчеттор (жалпы техникалык документтин (CTD) форматында даярдалган каттоо досьесинин 5-модулу) дарылык препараттарды экспертизадан өткөрүү процессинде каралат. Мисалы, бул нерсе ЕАЭБ мамлекеттеринде жана үчүнчү өлкөлөрдө 2016-жылдын 1-январына чейин өндүрүлгөн дарыларга клиникалык изилдөө жүргүзүүгө тийиштүү. Мындай клиникалык изилдөөлөрдүн негизинде дары, Адам үчүн дары препараттарын каттоого техникалык талаптарды айкалыштыруу боюнча эл аралык конференцияга (ICH) кирген өлкөлөрдө катталат. Бул дарыларды каттоонун илимий жана техникалык аспектилерин талкуулоо үчүн 60тан ашуун мамлекеттин фармацевтикалык өнөр жайын жана тескөөчү органдарын бириктирүүчү уюм.

Ошону менен бирге, көрсөтүлгөн датадан кийин демилгеленген дарылык препараттарды клиникалык изилдөөлөр толугу менен же жартылай ЕАЭБтин аймагында жүргүзүлүшү керек. Андан башка учурларда, дарыны каттоого билдирүү бергенге чейин, билдирүү ээси клиникалык изилдөөлөрдү да Биримдиктин аймагында өткөрүүсү керек болот деп болжолдонууда.

Кеңешме аяктагандан кийин, ЕЭКтин техникалык жөнгө салуу маселелери боюнча Министри Валерий Корешков ЕЭК Кеңешинин отурумунда Биримдиктин алкагында дары-дармектердин жана медициналык буюмдардын жүгүртүлүүсүтуурасындагы макулдашууларды жөнгө салууну камсыздаган актылар Комиссия тарабынан иштелип чыгарылып жана кароого даярдалып жатканын билдирди.

Комиссиянын Кеңеши документтерди даярдоону 2016-жылдын 1-январына чейин - дары каражаттарынын жана медициналык буюмдардын жалпы рыногу иштей баштаганга чейин - бүтүрүү максатында, ЕАЭБ өлкөлөрүнүн саламаттыкты сактоо министрлеринин деңгээлинде, жөнгө салына элек маселелер боюнча жакын арада консультация өткөрүү тапшырмасын берди.

Маалымат:

Дарылык каражаттардын жана медициналык буюмдардын жалпы рынокторунун иштөөсүн камсыздоочу негизги документтер 2015-жылдын аягына чейин кабыл алынат. Жалпы рыноктор, 2014-жылдын 23-декабрындагы ЕАЭБ алкагында дарылык каражаттардын жүгүртүлүүсүнүн бирдиктүү принциптери жана эрежелери жөнүндө макулдашууга жана 2014-жылдын 23-декабрындагы ЕАЭБ алкагында медициналык буюмдардын (медицинада колдонулуучу буюмдар жана медициналык техника) жүгүртүлүшүнүн бирдиктүү принциптери жана эрежелери жөнүндө макулдашууга ылайык 2016-жылдын 1-январынан тарта иштей баштамакчы.

Беларус Республикасы, Казакстан Республикасы жана Кыргыз Республикасы көрсөтүлгөн макулдашуулар күчүнө кириши үчүн зарыл болгон мамлекет ичиндеги процедураларды аткарып бүтүрүштү. Россия Федерациясы 2015-жылдын октябрында Россия Федерациясынын Өкмөтүнө көрсөтүлгөн макулдашууларды ратификациялоо үчүн зарыл болгон документтердин топтомун киргизиши керек.

Кошулуу жөнүндө тийиштүү протоколго кол коюу аркылуу Армения Республикасы жакын арада аларга кошулат.