Sign In
ЕЭК министри Валерий Корешков: “2017-2018-жылдары ЕАЭБ өлкөлөрүнүн дарылар рыногун жөнгө салуу боюнча 67 кошумча документтер даярдалат”

ЕЭК министри Валерий Корешков: “2017-2018-жылдары ЕАЭБ өлкөлөрүнүн дарылар рыногун жөнгө салуу боюнча 67 кошумча документтер даярдалат”

02.03.17

Евразия экономикалык комиссиясы (ЕЭК) Евразия экономикалык биримдигинин (ЕАЭБ) өлкөлөрүндө фармацевтикалык бизнес үчүн ыңгайлуу шарттарды түзүүнүн үстүндө ишти улантууда. 2017-2018-жылдары дарылар жалпы рыногун жөнгө салуу боюнча 67 кошумча документтер даярдалат. Бул туурасында Көзкарандысыз мамлекеттер шериктештигинин өлкөлөрүнүн Фармацевтикалык формунун алкагындагы ЕАЭБ сессиясын ачып жатып, ЕЭКтин техникалык жөнгө салуу боюнча Коллегия мүчөсү (министр) Валерий Корешков билдирди.

 Дары каражаттарынын жалпы рыногун жөнгө салуу жөнүндө доклады менен сүйлөгөн сөзүндө ЕЭК министри форумдун катышуучуларынын көңүлүн Комиссиянын профилдик жумушчу тобу үчүнчү деңгээлдеги бир катар документтердин долбоорлорун даярдоону аяктаганына бурду. Алардын катарында - фармацевтикалык өндүрүш үчүн сууга коюлган талаптар, өндүрүш процесстерин валидациялоо боюнча жетекчилик, модификацияланган дары формаларынын сапатынын көрсөткүчүнө талаптар жана бир катар башкалар.

Мисалы, сууга карата талаптарда медициналык колдонуу үчүн  фармацевтикалык субстанцияларды, дары препараттарын жана ветеринардык дарыларды өндүрүүдө суунун ар кандай категорияларын колдонуу боюнча фармөндүрүштүн көрсөтмөлөрү камтылган. Суу фармацевтикалык өндүрүштө колдонулган негизги заттардын бири болуп саналат. Ал кошумча зат катары болушу же дарыларды колдонууга даярдоо үчүн, даяр продукцияны өндүрүүнүн жүрүшүндө, идиштерди жуу үчүн тазалоочу каражат катары колдонулушу мүмкүн.  Фармацевтикалык колдонуусуна жараша ар кандай категориялардагы суу талап кылынат: ичүүчү, тазаланган, жогору тазаланган, инъекциялар үчүн ж.б.

Азыркы учурда ЕЭК бул жааттагы он бир жаңы ченемдик актылардын долбоорлорунун үстүндө иштөөдө. Алар дары препараттарынын жогорку сапатын камсыздоого мүмкүндүк берет, жогорку сапат Биримдик өлкөлөрүнүн фармацевтикалык продукциясы эл аралык рынокторго чыгуусу үчүн зарыл.

Валерий Корешков баса белгиленгендей, дарылардын жалпы рыногун жөнгө салуу боюнча документтерди иштеп чыгуудагы ачыктык Комиссиянын жана жумушчу топтун ишмердүүлүгүндөгү маанилүү принцип болуп саналат. Бардык актылар Биримдиктин маалыматтык порталында кеңири ачык талкуудан өткөрүлөт.

ЕАЭБ Фармакопеялык комитетинин жетекчиси Елена Саканян 2018- жылга карата Биримдиктин Фармакопеясынын - дарылардын сапатына талаптардын бирдиктүү жыйындысынын биринчи тому чыгарыларын билдирди.  Бул Биримдикте өндүрүлгөн дары препараттарынын сапатына бирдиктүү көзөмөлдү камсыздоого мүмкүндүк берет.

Армениянын, Казакстандын жана Кыргызстандын ыйгарым укуктуу өкүлдөрү билдиргендей, алар өз өлкөлөрүнүн улуттук мыйзамдарын ЕАЭБтин бул чөйрөдөгү талаптарына ылайык келтирүүнү ушул жылдын апрелине карата аякташат.
Маалымат

Евразия экономикалык биримдигинин алкагында дары каражаттарынын айланымын жөнгө салууга карата жалпы ык-амалдарды түзүү боюнча ЕЭК Комиссиясына караштуу жумушчу топ Комиссиянын Коллегиясынын 2012-жылдын 30-октябрдагы № 204 чечими менен түзүлгөн. Жумушчу топтун курамына ЕЭКтин, Армениянын, Беларустун, Казакстандын, Кыргызстандын жана Россиянын ыйгарым укуктуу мамлекеттик органдарынын жана ишкер чөйрөлөрүнүн өкүлдөрү киришет.