Sign In
ЕЭКке караштуу Дары-дармек каражаттары боюнча эксперттик комитет Бирликтин Фармакопеясын аракетке киргизүүнүн мөөнөттөрүн аныктады жана GMP сертификаттарын көрсөтүү мөөнөттөрүнүн узартылышын жактырды

ЕЭКке караштуу Дары-дармек каражаттары боюнча эксперттик комитет Бирликтин Фармакопеясын аракетке киргизүүнүн мөөнөттөрүн аныктады жана GMP сертификаттарын көрсөтүү мөөнөттөрүнүн узартылышын жактырды

02.07.20

Евразия экономикалык комиссиясына караштуу Дары-дармек препараттары боюнча эксперттик комитеттин ЕЭКтин техникалык жөнгө салуу боюнча министри Виктор Назаренконун төрагалыгы астында өткөрүлгөн биринчи отурумунда дары-дармек каражаттарын каттоодо келип чыккан келишпестиктерди жөнгө салуу механизмдери каралды. Референт мамлекеттин жана таануучу мамлекеттин эки каттоо досьеси боюнча эксперттик отчётторундагы "пайда-тобокелдик" баалоосу боюнча айырмалар талкууланды.

Эксперттик комитет Комиссиянын Евразия экономикалык бирлигинин Фармакопеясы жөнүндө демилгесин колдоду. Буга чейин Бирликтин эрежелери боюнча каттоо күбөлүктөрүн алган дары-дармек каражаттарынын өндүрүүчүлөрү Евразия экономикалык бирлигинин Фармакопеясына 2026-жылдын 1-январына чейин өтүүгө тийиш деп болжолдонууда.

Ошондой эле, Комиссиянын Кеңешинин 2016-жылдын 3-ноябрындагы № 93 чечимине өзгөртүүлөрдүн долбоору жактырылды. Ага ылайык, дары-дармек препаратын улуттук кайра каттоодо жана анын каттоо досьесине өзгөртүүлөрдү киргизүүдө Бирликтин өлкөлөрүнүн GMPсин жана Бирликтин GMPсин көрсөтүү үчүн аларды таануу мөөнөттөрү 2025-жылга чейин узартылат. Документте каттоо досьелерине өзгөртүүлөрдү киргизүү менен байланыштуу улуттук жол-жоболорду өткөрүүдө ЕАЭБ өлкөлөрүнүн ыйгарым укуктуу органдары тарабынан чет элдик өндүрүүчүлөр үчүн Бирликтин GMP сертификаттарынын 2025-жылдын 31-декабрына чейин өз ара таанылышы каралган.

Сунушталган чечимдер Бирликтин фармацевттик ишканаларына жана чет элдик фармацевттик өндүрүүчүлөргө дары-дармектердин улуттук рыноктордо 2025-жылдын аягына чейин жүгүртүлүшүн колдоо жол-жоболорун ишке ашырууга, алардын ЕАЭБдин ар бир өлкөсү тарабынан кайра инспекцияланышына байланыштуу өндүрүш чыгымдарын азайтууга мүмкүндүк берет, дары-дармек препараттарынын калк үчүн жеткиликтүүлүгүн сактоону камсыз кылат жана өндүрүүчүлөргө Бирликтин рыногуна өтүү үчүн оптималдуу шарттарды түзүп берет.