Чыпка Жаңылыктар

Жогорку Евразия экономикалык кеңешинин (ЖЕЭК) 29-майда Нур-Султанда (Казакстан) болуп өткөн мааракелүү отурумунда интеграция, макроэкономика, соода, электр энергетикасы, бажы кызматташтыгы, каржылык саясат, кызмат көрсөтүүлөрдүн бирдиктүү рыногу, Евразия экономикалык бирлигинин (ЕАЭБ) өлкөлөрүнүн экономикаларын санариптөө, өнөр жай кызматташтыгы, атаандаштык чөйрөлөрүндөгү жана башка бир катар чөйрөлөрдөгү маанилүү чечимдер кабыл алынды.

28-майда Нур-Султанда (Казакстан) Евразия экономикалык бирлигинин (ЕАЭБ) өлкөлөрүнүн өкмөт башчыларынын орун басарлары жана ЕЭК Коллегиясынын Төрагасы Тигран Саркисяндын катышуусу менен Евразия экономикалык комиссиясынын (ЕЭК) отуруму болуп өттү. ЕЭК Кеңешинин мүчөлөрү соода, бажылык жана техникалык жөнгө салуу, зер тармагы, каржы саясаты, Евразия экономикалык бирлигинин (ЕАЭБ) өлкөлөрүнүн экономикаларын санариптештирүү, өнөр жай кызматташтыгы чөйрөлөрүндөгү жана бир катар башка чөйрөлөрдөгү маселелерди талкуулашты.

29-майда Евразия экономикалык бирлиги (ЕАЭБ) жөнүндө келишимдин түзүлгөндүгүнө беш жыл толот. Казакстандын Биринчи Президенти Нурсултан Назарбаев көтөрүп чыккан Евразиялык интеграция идеясынын 25-жылдыгы да бул жылы белгиленүүдө.

Евразия экономикалык комиссиясынын Коллегиясынын Төрагасы Тигран Саркисян 28-майда Нур-Султанда (Казакстан) Жогорку Евразия экономикалык кеңешинин (ЖЕЭК) отурумунун алдында Казакстан Республикасынын Биринчи Президенти – Елбасы Нурсултан Назарбаев менен жолугушту.

27-майда Евразия экономикалык бирлигинде (ЕАЭБ) Автордук жана чектеш укуктарды жамааттык негизде башкаруунун тартиби жөнүндө макулдашуу күчүнө кирди. Бул тууралуу Евразия экономикалык комиссиясынын (ЕЭК) экономика жана каржылык саясат боюнча министри Тимур Жаксылыков билдирди. «Бирликтин бардык өлкөлөрү Автордук жана чектеш укуктарды жамааттык негизде башкаруунун тартиби жөнүндө макулдашууну ратификациялоону аякташты. Документ укуктарды жамааттык башкаруу боюнча уюмдардын ишин ачык кылууга, ал эми сый акыны укук ээлерине бөлүштүрүүнү адилеттүү кылууга мүмкүндүк берет», – деп Тимур Жаксылыков баса белгиледи.

Евразия экономикалык комиссиясынын (ЕЭК) Коллегиясынын Төрагасы Тигран Саркисян 27-майда Нур-Султанда (Казакстан) Жогорку Евразия экономикалык кеңешинин (ЖЕЭК) отурумунун алдында Казакстан Республикасынын Президенти Касым-Жомарт Токаев менен жолугушту.

Евразиялык экономикалык интеграциянын учурдагы баскычын, ошондой эле Евразия экономикалык бирлигинин (ЕАЭБ) мындан ары өнүгүү перспективаларын мамлекеттик бийлик, ишкердик жана эксперттик коомдоштуктардын жана эл аралык уюмдардын өкүлдөрү 16-июнда Астана экономикалык форумунун алкагында «Евразиялык интеграцияга 25 жыл: идеядан баштап ишке ашырууга чейин» сессиясында талкуулашты. Анын модератору Евразия экономикалык комиссиясынын (ЕЭК) Коллегиясынын интеграция жана макроэкономика боюнча мүчөсү (министр) Татьяна Валовая болду.

Евразия экономикалык комиссиясынын (ЕЭК) Коллегиясынын экономика жана каржы саясаты боюнча мүчөсү (министр) Тимур Жаксылыков жана Азия жана Тынч океан үчүн экономикалык жана социалдык комиссиянын (АТОЭСК) аткаруучу катчысы Армида Салсиа Алисджабана өз ара түшүнүшүү жөнүндө меморандумга кол коюшту. Аталган азем 17-майда Астана экономикалык форумунун алкагында болуп өттү.

Евразия экономикалык комиссиясы (ЕЭК) ЕАЭБдеги тоскоолдуктардын «Ак китебине» киргизилген чектөөлөрдүн бири менен болгон жагдайды талкуулоо үчүн Евразия экономикалык бирлигинин (ЕАЭБ) өлкөлөрүнүн мамлекеттик органдарынын жана бизнес-коомдоштуктарынын өкүлдөрү менен консультацияларды өткөрдү. Кеп Россия Федерациясынын бажы органдарынын өлкөгө алып келинген товарларга карата товарды жүгүртүүнүн бирдиктүү ЕАС белгиси менен (англис тилинен Eurasian Conformity) алдын ала маркаланган болушуна талабы жөнүндө болууда.

7-майда Женевада (Швейцария) Евразия экономикалык комиссиясынын (ЕЭК) Коллегиясынын экономика жана каржы саясаты боюнча мүчөсү (министр) Тимур Жаксылыковдун Бүткүл дүйнөлүк интеллектуалдык менчик уюмунун (БИМУ) генералдык директору Френсис Гарри менен жолугушуусунда ЕЭК жана БИМУ ортосунда өз ара түшүнүшүү жөнүндө меморандумга кол коюлду.