Сүзгіш Жаңалықтар

21 наурызда Мәскеу қаласында Еуразиялық экономикалық комиссия (ЕЭК) Алқасының отырысы өтті. Күн тәртібіндегі негізгі мәселелердің қатарында: сыртқы экономикалық қызметті реттеу жүйесінде «бірыңғай терезе» қалыптастыру бойынша жұмыстар барысы, заманауи материалдарды пайдалануды кеңейтуге және өндірушілердің шығындарын төмендетуге мүмкіндік беретін «Балалар мен жасөспірімдерге арналған өнімдердің қауіпсіздігі туралы» техникалық регламентке өзгерістер енгізу.

Вьетнамнан Еуразиялық экономикалық одақ елдеріне (ЕАЭО) баратын және одан кері қайтатын тауарлар туралы электрондық ақпарат алмасу жөнінде Вьетнам мен Еуразиялық экономикалық комиссияның (ЕЭК) кеден қызметінің өкілдері уағдаласты. Электрондық ақпарат алмасу сауда ағындарының ашықтығын арттыруға және 2015 жылы Вьетнам Республикасы мен ЕАЭО арасында жасалған еркін сауда туралы келісімді неғұрлым тиімді іске асыруды қамтамасыз етуге мүмкіндік береді.

Еуразиялық экономикалық комиссия (ЕЭК) Кеңесінің 3 наурыздағы отырысында Еуразиялық экономикалық одақтың (ЕАЭО) ішкі нарығында тауарлардың қауіпсіздігін арттыру, кеден заңнамасын жетілдіру және саудадағы кедергілерді жою туралы сөз болды. ​

Еуразиялық экономикалық комиссия Алқасы (ЕЭК) шағын көлемді, өте күшті, бекітілмеген магниттерді ойыншықтарда пайдалануға тыйым салуды мақұлдады, Еуразиялық экономикалық одақтың аттракциондарға және электр техникасы мен радиотехника бұйымдарындағы қауіпті заттарға арналған техникалық регламенттеріне өтпелі ережелерді белгіледі, техникалық реттеу, өнеркәсіп және АӨК, кедендік ынтымақтастық салаларында басқа бірқатар маңызды шешімдер қабылдады.

«Германия бизнесі ЕАЭО құру экономикалық жағынан өзін-өзі ақтайды деп есептейді» - ЕЭК Алқасының Төрағасы Тигран Саркисян «Жаңа қағидалар, жаңа кеңістіктер – Ресейдегі және ЕАЭО-дағы мүмкіндіктер» атты конференция алдында Ресей-Германия сыртқы сауда палатасы жүргізген зерттеулердің қорытындысына осындай түсіндірме берді. Тигран Саркисян және ЕЭК Алқа мүшелері (министрлер) Карине Минасян мен Мукай Кадыркулов Еуразиялық экономикалық одақ елдерінің аумағында бизнестерін жүргізіп жатқан немесе ЕАЭО елдеріне инвестициялар салу мүмкіндіктерін қарастырып жатқан немістің 400-ден астам іскер тобы өкілдерін жинаған форумның негізгі спикерлері болды.

Еуразиялық экономикалық комиссия Алқасы Еуразиялық экономикалық одақ (ЕАЭО) порттарында теңіз контейнерлерін Одақ аумағы бойынша өзге көлік түрлерімен одан әрі тасымалдау үшін оларды халықаралық тасымал көлік құралы ретінде (ХТКҚ) кедендік декларациялауды оңайлатты. 2017 жылғы мамырдан бастап мұндай жүк тасымалын ресімдеу үшін сыртқы экономикалық қызметке қатысушыға ЕАЭО кедендік шекарасын көп мәрте келіп өте отырып, барлық жүру жолында жалғыз данадағы бір декларация қажет болады.

Еуразиялық экономикалық одақ (ЕАЭО) елдері сауда әріптестерімен транзиттік жүйелердің ұштастыруды және уәкілетті экономикалық операторларды өзара тануды талқылауға дайын. Бұл туралы Дүниежүзілік кеден ұйымы (ДКедҰ) Саяси комиссияның 76-отырысында Еуразиялық экономикалық комиссияның (ЕЭК) Кедендік ынтымақтастық жөніндегі Алқа мүшесі (министр) Мукай Кадыркулов мәлімдеді.​

Еуразиялық экономикалық одақтың (ЕАЭО) Кеден кодексінде уәкілетті экономикалық оператор (УЭО) мәртебесінде жұйыс істейтін, заңға бағынатын бизнес үшін жаңа мүмкіндіктер көзделеді. Бұл туралы Еуразиялық экономикалық комиссияның (ЕЭК) Кеден заңнамасы және құқық қолдану практикасы департаментінің директоры Дмитрий Некрасов 2-бүкілресейлік УЭО форумын аша отырып, мәлімдеді.​

Еуразиялық экономикалық одақтың (ЕАЭО) Кеден кодексіне желтоқсанда Еуразиялық «бестік» мемлекеттері басшыларының кездесуінде қол қою жоспарлануда. Оптимистік сценарий бойынша құжат 2017 жылдың ортасында-ақ күшіне енеді. Бұл туралы 6 желтоқсандағы ІІІ Еуразиялық экономикалық конгресте Еуразиялық экономикалық комиссияның (ЕЭК) Кедендік ынтымақтастық жөніндегі Алқа мүшесі (министр) Мукай Кадыркулов мәлімдеді.

Еуразиялық экономикалық комиссияның Кеден заңнамасы және құқық қолдану практикасы департаментінің директоры Дмитрий Некрасов Нидерландқа жұмыс сапары кезінде елдің бизнес қоғамдастығын Еуразиялық экономикалық одақтың (ЕАЭО) Кеден кодексі жобасының халықаралық саудаға жәрдемдесуге алғышарттар жасайтын нормаларымен таныстырды. Бұған кедендік операцияларды оңайлату, автоматтандыру және оңтайландыру есебінен қол жеткізу жоспарланып отыр.