Вход
Փոխգործակցության հեռանկարները քննարկել են ԵՏՀ նախարար Սերգեյ Գլազևը և ՌԴ-ում Իրանի դեսպան Կազեմ Ջալալին

Փոխգործակցության հեռանկարները քննարկել են ԵՏՀ նախարար Սերգեյ Գլազևը և ՌԴ-ում Իրանի դեսպան Կազեմ Ջալալին

26.03.2021

Մոսկվայում Իրանի Իսլամական Հանրապետության դեսպանատանը կայացել է Եվրասիական տնտեսական հանձնաժողովի ինտեգրացիայի և մակրոտնտեսության հարցերով նախարար Սերգեյ Գլազևի հանդիպումը Ռուսաստանի Դաշնությունում Իրանի Իսլամական Հանրապետության Արտակարգ և լիազոր դեսպան Կազեմ Ջալալիի հետ։

Հանդիպման ընթացքում քննարկվել են փոխշահավետ համագործակցության հեռանկարները, այդ թվում՝ առևտրի, ներդրումների և ծառայությունների ոլորտում։ Մասնավորապես նշվել է, որ Իրանի և Ռուսաստանի միջազգային օրակարգում ընդհանուր շատ բան կա։ Կարևոր դեր է խաղում, նախ և առաջ, տնտեսական փոխգործակցությունը։

Իրանի դեսպանը հայտնել է, որ Իրանի Խորհրդարանը վավերացրել է ազատ առևտրի գոտու մասին ժամանակավոր պրեֆերենցիալ համաձայնագիրը։ Կողմերի կարծիքով, դա դրական ազդակ կհաղորդի փոխշահավետ համագործակցությանը։

Սերգեյ Գլազևը իրանցի գործընկերներին ծանոթացրել է Եվրասիական տնտեսական միության արդի օրակարգին։

Կազեմ Ջալալին ընդգծել է, որ մեծ հույսեր է կապում ԵԱՏՄ երկրների հետ Իրանի համագործակցության հետագա խորացման ու զարգացման հետ և ցանկություն է հայտնել ապրիլին այցելելու Հանձնաժողովի գրասենյակ՝ հետագա բանակցությունների համար։​