Вход
ԵՏՀ-ն շարունակում է ձևավորել բարենպաստ մրցակցային միջավայրը ԵԱՏՄ բիզնեսի համար

ԵՏՀ-ն շարունակում է ձևավորել բարենպաստ մրցակցային միջավայրը ԵԱՏՄ բիզնեսի համար

Шаккалиев-благоприятная среда для бизнеса-26_03_2021.jpg
26.03.2021

Այդ մասին Ռուսաստանի կորպորատիվ իրավաբանների միավորման «Առողջ տնտեսություն՝ առողջ մրցակցություն» ամենամյա հակամենաշնորհային համաժողովի պրոֆիլային նստաշրջանի ընթացքում պատմել է Եվրասիական տնտեսական հանձնաժողովի մրցակցության և հակամենաշնորհային կարգավորման հարցերով Կոլեգիայի անդամ Արման Շաքալիևը։ Նրա խոսքերով, Հանձնաժողովի կողմից կիրառվող պրոակտիվ հակամենաշնորհային կարգավորումը, որն իր մեջ ներառում է նաև «մեղմ իրավունքի» գործիքներ՝ նախազգուշացումը և զգուշացումը, հակամենաշնորհային կոմպլայենսի համակարգը, կոչված է համապատասխան գիտակցություն ձևավորել բիզնեսի ներկայացուցիչների մոտ։


«Վստահության, ըմբռնման և փոխգործակցության բարձր մակարդակը՝ իրավական կանխատեսելիության տարածքի ստեղծման բանալին է», – նշել է Արման Շաքալիևը։

Այսօր մշակված և ԵԱՏՄ իրավունքի մեջ ներդրված «մեղմ իրավունքի» գործիքները դառնում են հակամենաշնորհային կարգավորման կարևոր գործիք՝ նախազգուշացումների և զգուշացումների կիրառումը թույլ կտա առանց երկարատև և ծախսատար վարչական ընթացակարգերի վերականգնել մրցակցությունը անդրսահմանային շուկաներում։

Հանձնաժողովի նախազգուշացումները շուկայի սուբյեկտներից կպահանջեն դադարեցնել գործողությունները, որոնցում առկա են մրցակցության ընդհանուր կանոնների խախտման նշաններ։ Նախազգուշացման պահանջները կատարած սուբյեկտը չի ենթարկվի պատասխանատվության և կխուսափի տուգանային պատժամիջոցներից։

Հանձնաժողովի զգուշացումը կարող է տրվել անձին, եթե նա հրապարակայնորեն (օրինակ՝ ԶԼՄ-ներում, համաժողովներին, շնորհանդեսների ընթացքում) հայտարարում է անդրսահմանային շուկայում պլանավորվող հակամրցակցային վարքագծի մասին։

Ցանցային ռեթեյլի շուկայում մրցակցության կանոնների խախտումները թույլ չտալու համար Հանձնաժողովի հակամենաշնորհային բլոկը նախաձեռնել է Առևտրային ցանցերի և մատակարարողների փոխգործակցության բարեխիղճ պրակտիկաների կոդեքսի մշակումը։ Այդ փաստաթուղթը դիտարկվում է որպես հանձնարարվող կանոնների ժողովածու, որը պետք է դառնա արտադրողների, մատակարարողների և առևտրային ցանցերի հարաբերությունների ինքնակարգավորման արդյունավետ գործիք։

Որպես բիզնեսի հետ ԵՏՀ-ի փոխշահավետ համագործակցության դրական օրինակ, Կոլեգիայի անդամը նաև նշել է Հանձնաժողովի կողմից անցած տարի մշակված՝ Պետական գնումների նպատակների համար առանձին ապրանքների ծագման երկիրը որոշելու կանոնները, որոնք ուժի մեջ են մտել այս տարվա հունվարի 12-ից։

Համաժողովի լուսանցքներում կայացած քննարկումներին Եվրասիական տնտեսական հանձնաժողովի կողմից մասնակցել են նաև մրցակցային քաղաքականության և պետական գնումների ոլորտում քաղաքականության վարչության տնօրեն Ալիյա Ջումբաևան և հակամենաշնորհային կարգավորման վարչության տնօրեն Ալեքսեյ Սուշկևիչը։​