Вход
Համավարակի պայմաններում եվրասիական երկրները կենտրոնացած են տարանցիկ և լոգիստիկ ներուժի իրականացման վրա

Համավարակի պայմաններում եվրասիական երկրները կենտրոնացած են տարանցիկ և լոգիստիկ ներուժի իրականացման վրա

26.02.2021

Դա կապահովի տարածքների ավելի լավ կապակցվածությունը, տրանսպորտի բազմամոդալությունը, լայնածավալ թվայնացումը և բնակչության կայուն շարժունակությունը: Այդ մասին հայտարարել է Եվրասիական տնտեսական հանձնաժողովի էներգետիկայի և ենթակառուցվածքի հարցերով նախարար Էմիլ Կայկիևը ՄԱԿ-ի Եվրոպական տնտեսական հանձնաժողովի Ներքին տրանսպորտի հարցերով կոմիտեի 83-րդ նստաշրջանին:

Միջոցառումը տեղի է ունեցել փետրվարի 23-ից մինչև 26-ը` ՄԱԿ-ի առաջնորդների, աշխարհի տարբեր երկրների, այդ թվում` Եվրասիական տնտեսական միության պետությունների տրանսպորտի գերատեսչությունների և միջազգային տրանսպորտային կազմակերպությունների ղեկավարների մասնակցությամբ:


ԵՏՀ նախարարը մասնակցել է քաղաքականության հարցերով բարձր մակարդակի հատվածի աշխատանքին, որտեղ քննարկման հիմնական թեման էր «կայուն վերականգնման և տնտեսական աճի համար հուսակի կապակցվածության ձեռքբերումը COVID-19-ից հետո ժամանակահատվածում»: Միևնույն ժամանակ, Էմիլ Կայկիևն ընդգծե է, որ Հանձնաժողովի տրանսպորտային բլոկը կատարում է բեռների անխափան միջազգային փոխադրումների համար «կանաչ միջանցքների» ապահովման առաջադրանքը: ԵՏՀ նախարարը նշել է, որ Հանձնաժողովն իր գործունեությունը կենտրոնացրել է համավարակին հակազդելու միջոցների վրա: Տնտեսական կայունության ապահովման ուղղությամբ ազգային կառավարությունների հետ համատեղ ջանքերի շնորհիվ՝ աստիճանաբար բացվում է դաշնակից երկրների միջև ավիահաղորդակցությունը և վերականգնվում միջազգային երկաթուղային ուղևորափոխադրումները:

Էմիլ Կայկիևտ հայտնել է, որ Հանձնաժողովը տրանսպորտի նախարարությունների հետ միասին ավարտել է «ճանապարհային քարտեզի» նախագծի նախապատրաստումը՝ ԵԱՏՄ 2021-2023 թ.-ի տրանսպորտային քաղաքականության իրականացման ուղղությամբ: Մոտ հեռանկարում Միությունում նախատեսվում է լուծել խառը և բեռնարկղային փոխադրումների կարգավորման, օդային հաղորդակցման ընդլայնման, արագ և գերարագտրանսպորտային համակարգերի զարգացման հարցերը:

«Նաև մեր ուշադրության կենտրոնում է ազգային մտավոր տրանսպորտային համակարգերի ներդաշնակեցումը, փոխադրումների կազմակերպման տեղեկատվական տեխնոլոգիաները, միջազգային հաղորդակցման ներքո բեռնափոխադրումները կազմակերպելիս և ձևակերպելիս առանց թղթի տեխնոլոգիաների ներդրումը», – ընդգծել է ԵՏՀ նախարարը:

 

Բացի այդ, նա նստաշրջանի մասնակիցների ուշադրությունը հրավիրել է այն փաստի վրա, որ 2020 թվականի դեկտեմբերին ԵԱՏՄ պետությունների նախագահները ստորագրել են կարևոր փաստաթուղթ՝ Եվրասիական տնտեսական ինտեգրացիայի մինչև 2025 թվականը զարգացման ռազմավարական ուղղությունները: 

 

«Ռազմավարության իրագործումը թույլ կտա մինչև 2025 թվականը ձևավորել միասնական տնտեսական տարածք և ապահովել Եվրասիական միության առաջընթաց զարգացումը՝ ՄԱԿ-ի կայուն զարգացման նպատակներին հասնելու համար», – համոզված է Էմիլ Կայկիևը:

 

Տեղեկանք

ՄԱԿ-ի Եվրոպական տնտեսական հանձնաժողովը (ՄԱԿ-ի ԵՏՀ)՝ Միացյալ Ազգերի Կազմակերպության տարածաշրջանային հինգ հանձնաժողովներից մեկն է, որը հիմնադրվել է 1947 թվականին տարածաշրջանում տնտեսական գործունեության զարգացման և տնտեսական կապերի, ինչպես նաև ՄԱԿ-ի ԵՏՀ-ի տարածաշրջանի՝ մնացած աշխարհի հետ տնտեսական կապերի ամրապնդման համար։ Ներքին տրանսպորտի հարցերով կոմիտեն (ՄԱԿ-ի ԵՏՀ ՆՏԿ) Եվրոպական տնտեսական հանձնաժողովի մարմին է։ Եվրասիական տնտեսական հանձնաժողովի և Եվրոպական տնտեսական հանձնաժողովի փոխգործակցությունն իրականացվում է 2013 թվականի հունիսի 28-ին կնքված Համագործակցության մասին հուշագրին համապատասխան։​