Вход
ԵՏՀ Կոլեգիայի նախագահ Միխայիլ Մյասնիկովիչը հանդիպում է անցկացրել ՌԴ-ում Ուզբեկստանի Հանրապետության Արտակարգ և լիազոր դեսպան Բոտիրժոն Ասադովի հետ

ԵՏՀ Կոլեգիայի նախագահ Միխայիլ Մյասնիկովիչը հանդիպում է անցկացրել ՌԴ-ում Ուզբեկստանի Հանրապետության Արտակարգ և լիազոր դեսպան Բոտիրժոն Ասադովի հետ

17.12.2020

Համագործակցության զարգացմանն ուղղված հետագա քայլերը և Ուզբեկստանի Հանրապետությանը Եվրասիական տնտեսական միությանն առընթեր դիտորդ պետության կարգավիճակ տրամադրվելու հետ կապված գործողությունների ալգորիթմը դեկտեմբերի 17-ին Մոսկվայում ԵՏՀ-ի գլխավոր գրասենյակում կայացած հանդիպմանը քննարկել են Եվրասիական տնտեսական հանձնաժողովի Կոլեգիայի նախագահ Միխայիլ Մյասնիկովիչը և Ռուսաստանի Դաշնությունում Ուզբեկստանի Հանրապետության Արտակարգ և լիազոր դեսպան Բոտիրժոն Ասադովը։

Միխայիլ Մյասնիկովիչը Ուզբեկստանի դեսպանին շնորհավորել է նրա երկրին ԵԱՏՄ-ին առընթեր դիտորդ պետության կարգավիճակը տրամադրվելու կապակցությամբ։ Այդպիսի որոշում են ընդունել Միության անդամ պետությունների ղեկավարները Եվրասիական տնտեսական Բարձրագույն խորհրդի՝ դեկտեմբերի 11-ին կայացած նիստին։

ԵՏՀ Կոլեգիայի նախագահը նշել է համագործակցական մատակարարումների հաստատման և առևտրաշրջանառության ավելացման կարևորությունը։ «2016-2019 թվականների ընթացքում Ուզբեկստանի հետ ԵԱՏՄ երկրների ապրանքաշրջանառությունն աճել է երեք անգամ։ Այս տարի՝ 4,9%։ Համարում եմ, որ հետագայում էլ պետք է շարժվել այդ ուղղությամբ», – հայտարարել է Միխայիլ Մյասնիկովիչը։

«Ուզբեկստանում մեծ հետաքրքրությամբ են հետևում Եվրասիական տնտեսական միության գործունեությանը և եվրասիական ինտեգրացիայի զարգացմանը, և մենք անկեղծորեն հուսով ենք, որ Ուզբեկստանին ԵԱՏՄ-ին առընթեր դիտորդ պետության կարգավիճակի տրամադրումը թույլ կտա բարձրանալ երկխոսության և համագործակցության նոր մակարդակ, կմնա միայն աշխատել», – իր կողմից ընդգծել է Բոտիրժոն Ասադովը։

Կողմերի նաև պայմանավորվել են համագործակցության մասին համատեղ հուշագրի նախապատրաստման վերաբերյալ, որը հիմք է հանդիսանալու փոխադարձ հետաքրքրություն ներկայացնող հարցերի շուրջ առարկայական փոխգործակցության համար։ 

Տեղեկանք

Միությանն առընթեր դիտորդ պետության կարգավիճակը նախատեսվել է ԵԱՏՄ մասին պայմանագրով։ 2018 թվականին նման կարգավիճակ է տրամադրվել Մոլդովայի Հանրապետությանը, իսկ դեկտեմբերի 11-ին կայացած Եվրասիական տնտեսական Բարձրագույն խորհրդի նիստի շրջանակներում՝ Կուբայի Հանրապետությանը։

 Դիտորդ պետությունը իրավունք ունի Եվրասիական տնտեսական հանձնաժողովի գտնվելու վայր ուղարկել կանոնավոր հիմունքներով ԵՏՀ-ի հետ փոխգործակցելու, այդ թվում՝ հրավերի հիման վրա ԵՏՀ Խորհրդի և Կոլեգիայի նիստերին մասնակցելու լիազորություններով օժտված իր ներկայացուցչին։

 Նախատեսվել է նաև դիտորդ պետության և կառավարության ղեկավարի՝ Բարձրագույն խորհրդի և Եվրասիական միջկառավարական խորհրդի նիստերին հրավերով ներկա գտնվելու հնարավորությունը։ 

 Դիտորդ պետության կարգավիճակ ստացող պետությունը պարտավոր է ձեռնպահ մնալ ցանկացած գործողություններից, որոնք ընդունակ են վնաս հասցնել Միության և դրա անդամ պետությունների շահերին, ԵԱՏՄ մասին պայմանագրի նպատակներին։

Ուզբեկստանն ակտիվորեն ընդլայնում է առևտրատնտեսական համագործակցությունը ԵԱՏՄ երկրների հետ։ Այսպես, 2016 - 2019 թվականներին անդամ պետությունների հետ Ուզբեկստանի ապրանքաշրջանառությունն աճել է 2 անգամով, 4,5 մլրդ. ԱՄՆ-ի դոլարից մինչև 9,1 մլրդ. դոլար։ Ներկայումս Ուզբեկստանի արտաքին առևտրում ԵԱՏՄ-ի մասնաբաժինը կազմում է 30%, իսկ գյուղատնտեսական արտադրանքի արտահանման ծավալը գերազանցում է 75%-ը։

Ուզբեկստանի արտաքին առևտրի շրջանառությունը՝ 22,9 մլրդ. ԱՄՆ-ի դոլար, այդ թվում արտահանումը՝ 11,5 մլրդ. ԱՄՆ-ի դոլար (որից մոտ 20%-ը բաժին է ընկնում ԵԱՏՄ երկրներին), ներմուծումը՝ 11,4 մլրդ. ԱՄՆ-ի դոլար (մոտ 55%-ը՝ ԵԱՏՄ երկրներից)։​