Вход
Միության դեղագործական ոլորտը կայուն կերպով զարգանում է

Միության դեղագործական ոլորտը կայուն կերպով զարգանում է

09.09.2019

Եվրասիական տնտեսական հանձնաժողովի (ԵՏՀ) Արդյունաբերական քաղաքականության վարչությունը վերլուծել է դեղագործական ճյուղի համաշխարհային թրենդերը, ինչպես նաև Եվրասիական տնտեսական միության (ԵԱՏՄ) անդամ պետություններում վերջին հինգ տարում դեղագործական արտադրանքի արտադրության և այդ ուղղությամբ ներքին առևտրի ու երրորդ երկրների հետ առևտրի շրջանակներում Միության երկրների արտահանման և ներմուծման գործառնությունների ծավալները։

Այսպես, 2018 թվականին դեղամիջոցների համաշխարհային շուկայի ծավալը կազմել է 1,174 մլրդ ԱՄՆ-ի դոլար։ Դրանում ԵԱՏՄ-ի շուկայի մասնաբաժինը կազմում է 2,6%։

Մինչև 2021 թվականը համաշխարհային շուկայի հետագա աճը կանխատեսվում է յուրաքանչյուր տարի մոտ 5%-ի չափով։ Շուկայում առաջատար դիրքերը զբաղեցնում են այնպիսի երկրները, ինչպիսիք են ԱՄՆ-ը, Ճապոնիան, Գերմանիան, Շվեյցարիան և Մեծ Բրիտանիան։

ԵԱՏՄ-ի անդամ պետությունների տարածքում 2018 թվականին արտադրվել է ընդամենը 9 243 մլն ԱՄՆ-ի դոլարի դեղագործական արտադրանք, ընդ որում ամբողջ ծավալից Ռուսաստանի Դաշնությանը բաժին է ընկնում 90,8%, Բելառուսի Հանրապետությանը՝ 6,5%, Ղազախստանի Հանրապետությանը՝ 2,4%, Հայաստանի Հանրապետությանը՝ 0,2%, Ղրղզստանի Հանրապետությանը՝ 0,04%։

Առավել ակտիվ է զարգանում Հայաստանի դեղագործական ոլորտը։ Մնացած երկրները վերջին երեք տարում ցուցաբերում եմ արտադրության դրամական առումով միջինում 2-4% դանդաղ կայուն աճ։

Միության դեղագործության ճյուղի կայուն զարգացման մասին վկայում է, այդ թվում, 2018 թվականին երրորդ երկրներից ներմուծման ծավալների նվազումը, ինչպես նաև փոխադարձ առևտրում ապրանքաշրջանառության ավելացումը։

Արտաքին առևտրում Միության երկրների հիմնական գործընկերներն են դարձել ԱՄՆ-ը, Գերմանիան, Շվեյցարիան, Ֆրանսիան, Հնդկաստանը, Իտալիան, ինչպես նաև Վրաստանը, Տաջիկստանը և Ուզբեկստանը։

Հանձնաժողովի Արդյունաբերական քաղաքականության վարչությունը կանոնավոր կերպով անցկացնում է դեղագործական արտադրանքի արտադրության շուկայի վիճակի մշտադիտարկում, այն համարելով արդյունաբերական համագործակցության համար առաջնային հատված։

Մանրամասները կարդացեք 
էքսպրես-վերլուծությանում