Вход
Ասանբեկով Տեմիրբեկ Իշենբաևիչ

Ասանբեկով Տեմիրբեկ Իշենբաևիչ


Ծնվել է 1966 թվականի հունիսի 18-ին Ղրղզստանի Հանրապետության Իսիկ-Կուլի մարզի Անանևո գյուղում:

1993 թվականին ավարտել է Կ.Ա. Տիմիրյազևի անվան Մոսկվայի գյուղատնտեսական ակադեմիան «գիտնական-գյուղատնտես» մասնագիտությամբ:

1984-ից մինչև 1986 թվականը ծառայել է Խորհրդային բանակի շարքերում՝ Աֆղանստանում խորհրդային զորքերի սահմանափակ զորախմբի կազմում՝ Գերատ նահանգում, մոտոհրաձգային գումարտակի հրամանատարի տեղակալի պաշտոնում: Զորացրվել է՝ կրելով ավագ սերժանտի կոչումը: Ծառայության ընթացքում պարգևատրվել է «Խիզախության համար» մեդալով և ԽՍՀՄ նախագահ Մ.Ս. Գորբաչյովի՝ «Ինտերնացիոնալ պարտքը կատարելու համար» պատվոգրով:

1993-ից մինչև 1994 թվականը հանդիսացել է Իսիկ-Կուլի մարզի Ակ-Սուի շրջանում գտնվող «Կայնար» գյուղատնտեսական միավորման գլխավոր տնորենի տեղակալ:

1994-ից մինչև 1995 թվականը Ղրղզստանում զբաղվել է մասնավոր ձեռնարկատիրությամբ:

 1996-ից մինչև 1998 թվականը որպես ավագ մենեջեր աշխատել է «AIG» ամերիկյան ապահովագրական ընկերությունում (ք. Մոսկվա):

 1998-ից մինչև 2002 թվականը զբաղեցրել է «ԱՏՄ-ԱԳՐՈ» ՍՊԸ-ի (ք. Մոսկվա) գլխավոր տնօրենի պաշտոնը:

 2002-ից մինչև 2005 թվականը հանդիսացել է «Արբատ մենեջմենթ» Կառավարող ընկերություն» ՍՊԸ-ի (ք. Մոսկվա) գլխավոր տնօրեն:

 2005-ից մինչև 2007 թվականը ղեկավարել է «Պրեոբրաժենսկի գործարար կենտրոն» նախագիծը (ք. Մոսկվա)։

 2007-ից մինչև 2010 թվականը՝ «Ասպոլ-Ցենտր» ընկերության ղեկավար։

 2010 թվականին հիմնադրել և ղեկավարել է «Ղրղզստանցիների պաշտպանությանն ու օժանդակությանն աջակցության կենտրոնը» ոչ առևտրային գործընկերակցությունը (ք. Մոսկվա)։

 2010-ից մինչև 2021 թվականը՝ «Մեկեն Ինտիմագի» կուսակցության նախագահ։

Անդամակցում է «Գիտնականների Եվրասիական տնտեսական ակումբի» ընկերակցությանը (Ռուսաստան), ընդգրկված է տնտեսական ակումբի համակարգող խորհրդի կազմում։

Ամուսնացած է, ունի չորս երեխա։

Եվրասիական տնտեսական Բարձրագույն խորհրդի որոշմամբ 2021 թվականի հունիսի 30-ից նշանակվել է Եվրասիական տնտեսական հանձնաժողովի էներգետիկայի և ենթակառուցվածքի հարցերով Կոլեգիայի անդամ (նախարար)։