Вход
ЕЭК запускае анлайн-курс аб еўразійскай інтэграцыі

ЕЭК запускае анлайн-курс аб еўразійскай інтэграцыі

15.05.2020

У яго ўвойдуць 32 лекцыі аб функцыянаванні Еўразійскага эканамічнага саюза і дзейнасці Камісіі. Курс стартуе гэтым летам.


Запісацца на курс «ЕАЭС: што гэта і як працуе?» можна ўжо зараз.


«Мы пастараліся зрабіць курс цікавым і зразумелым для любога грамадзяніна дзяржавы нашага Саюза: пачынаючы з прадпрымальнікаў і студэнтаў, заканчваючы пенсіянерамі і маладымі маці. Мы хочам, каб людзі ведалі свае правы і магчымасці, якія дае ім удзел іх краіны ў Еўразійскім эканамічным саюзе»,
– распавядае Старшыня Калегіі ЕЭК Міхаіл Мясніковіч.


Аўтарамі курсу сталі 30 экспертаў Еўразійскай эканамічнай камісіі. Перад слухачамі выступяць Старшыня Калегіі ЕЭК і міністры Калегіі ЕЭК, дырэктары і намеснікі дырэктараў дэпартаментаў, начальнікі і супрацоўнікі аддзелаў.


«Склад аўтараў атрымаўся ўнікальным. Кожны лектар – прафесіянал у сваёй сферы. Рэкамендую слухачам не саромецца і задаваць пытанні аўтарам пасля праслухоўвання лекцый»
, – дадаў Міхаіл Мясніковіч.


Еўразійскі эканамічны саюз – рэальнасць, у якой жыве кожны грамадзянін з Арменіі, Беларусі, Казахстана, Кыргызстана і Расіі. Ад яе нікуды не збегчы, але ЕЭК гатова забяспечыць любога жадаючага ўсёй неабходнай інфармацыяй для выжывання.


Што такое органы Саюза, як яны працуюць і якія рашэнні прымаюць?


Як бізнесу працаваць ва ўмовах мытнага саюза? І як палепшыць умовы свайго існавання?

Куды і што экспартаваць, нават ва ўмовах COVID-19?


Як ЕАЭС уплывае на жыццё простых людзей?


Як абараняе ад небяспечнай прадукцыі і кантрафакту?


Якія сацыяльныя гарантыі ёсць у кожнага грамадзяніна краіны Саюза? Як атрымаць пенсію (у будучыні)?

На гэтыя і іншыя пытанні адкажа анлайн-курс ад ЕЭК «ЕАЭС: што гэта і як працуе?».​