Вход
Краіны ЕАЭС гарманізуюць заканадаўства ў нафтавай сферы

Краіны ЕАЭС гарманізуюць заканадаўства ў нафтавай сферы

11.12.2020

Кіраўнікі дзяржаў на пасяджэнні Вышэйшага Еўразійскага эканамічнага савета 11 снежня зацвердзілі «дарожную карту» па гарманізацыі заканадаўства краін Еўразійскага эканамічнага саюза ў нафтавай сферы.

«Дарожная карта»  вызначае асноўныя напрамкі гарманізацыі, а таксама ўключае мерапрыемствы, якія тычацца:

– штогадовага аналізу інфармацыі аб нарматыўных прававых актах,

– узаемнага інфармавання аб правядзенні працы па гарманізацыі,

- аналізу змяненняў, унесеных у нацыянальныя акты дзяржаў-членаў у нафтавай сферы на іх адпаведнасць прынцыпам фарміравання агульных рынкаў нафты і нафтапрадуктаў Саюза.

Гарманізацыя заканадаўства накіравана на забеспячэнне рынкавых механізмаў гандлю нафтай і нафтапрадуктамі паміж удзельнікамі агульных рынкаў нафты і нафтапрадуктаў Саюза, стварэнне спрыяльных умоў для прыцягнення інвестыцый у сферы здабычы, транспарціроўкі, пастаўкі, перапрацоўкі і збыту нафты і нафтапрадуктаў дзяржаў-членаў.

Гэтае распараджэнне ўступае ў сілу ад даты яго апублікавання. Згодна з Дагаворам аб ЕАЭС, агульны рынак нафты павінен быць сфарміраваны не пазней за 2025 год.​​