Вход
Міхаіл Мясніковіч заклікаў развіваць у ЕАЭС прамысловую кааперацыю ў высокатэхналагічных галінах

Міхаіл Мясніковіч заклікаў развіваць у ЕАЭС прамысловую кааперацыю ў высокатэхналагічных галінах

IMG_5657.jpg
05.02.2021

Міхаіл Мясніковіч заклікаў развіваць у ЕАЭС прамысловую кааперацыю ў высокатэхналагічных галінах падчас выступлення 5 лютага на форуме «Almaty Digital Forum 2021».

 

Як падкрэсліў Міхаіл Мясніковіч, Прэзідэнт Рэспублікі Казахстан, старшыня Вышэйшага Еўразійскага эканамічнага савета Касым-Жамарт Такаеў у звароце да кіраўнікоў дзяржаў ЕАЭС у якасці ключавых задач на 2021 год пазначыў прамкааперацыю і лічбавізацыю. Сёння ў ліку прыярытэтных у Еўразійскім эканамічным саюзе – праект па стварэнні аптова-размеркавальных цэнтраў, ініцыяваны Рэспублікай Казахстан, а таксама паўнавартасны запуск экасістэмы лічбавых транспартных калідораў, прапанаваны Рэспублікай Беларусь сумесна з партнёрамі па Саюзе. Камісія зараз актыўна працуе над комплексным падыходам па іх выкананні.

 

«У нас у ЕАЭС ёсць інтэлектуальны і прамысловы патэнцыял, каб рэалізаваць гэтыя задачы, – адзначыў кіраўнік Калегіі ЕЭК. – Неабходна ўмацоўваць інстытуты развіцця, ствараць новыя прадпрыемствы для вытворчасці высокаліквідных тавараў для ўнутранага рынку і на экспарт, укараняць праграмы імпартазамяшчэння, у тым ліку ў высокатэхналагічных галінах. У сувязі з гэтым хачу звярнуць увагу форуму на мэтавую ўстаноўку Прэзідэнта Расійскай Федэрацыі Уладзіміра Уладзіміравіча Пуціна».

 

Сёння ў ЕАЭС 17,5 тыс. сумесных з партнёрамі па Саюзе прадпрыемстваў. Больш за ўсё ў Рэспубліцы Казахстан – каля 10 тыс. У Беларусі – 2 400. Іх праца немагчыма без IT. Камерцыйныя банкі найбольш паспяховыя ў ІКТ са сваімі структурамі ў краінах ЕАЭС. «Мы ў Камісіі разлічваем, што і прамысловыя і інавацыйныя кампаніі будуць актыўныя ў гэтай дзейнасці», – адзначыў Старшыня Калегіі ЕЭК.

 

Ён дадаў, што ў Еўразійскім эканамічным саюзе ёсць цікавасць да рэалізацыі інвестыцыйных праектаў сумарным каштарысным коштам каля 200 млрд дол. ЗША, значная частка з якіх з'яўляюцца інтэграцыйнымі па сваёй сутнасці.

 

Старшыня Калегіі ЕЭК таксама паведаміў, што стварэнне фундаментальных асноў лічбавых інфраструктур і экасістэм прадугледжана Стратэгіяй развіцця еўразійскай эканамічнай інтэграцыі да 2025 года, зацверджанай кіраўнікамі дзяржаў Еўразійскага эканамічнага саюза 11 снежня 2020 года.

 

Стратэгія змяшчае у сабе 11 ключавых напрамкаў развіцця, і практычна ўсе яны грунтуюцца на лічбавых платформах, напрыклад, сістэма маркіроўкі і нагляду за тавараў, развіццё трансгранічнай прасторы даверу, распрацоўка і зацвярджэнне канцэпцыі тэрытарыяльна размеркаванай лічбавай платформы Саюза, якая ўключае у сабе Нацыянальныя сегменты і інтэграваныя кампаненты, пытанні лічбавай трансфармацыі ў сферы інтэлектуальнай уласнасці і многія іншыя актуальныя праекты.

 

Старшыня Калегіі ЕЭК заклікаў упаўнаважаныя дзяржорганы і бізнес-супольнасць прапаноўваць ідэі для эфектыўнай рэалізацыі задач Стратэгіі.

 

У пленарнай сесіі форуму «Лічбавая перазагрузка: рывок у новую рэальнасць» таксама прынялі ўдзел кіраўнікі ўрадаў краін Саюза і дзяржаў-назіральнікаў пры ЕАЭС.​