Вход
ЕЭК фарміруе нарматыўна-прававую базу для запуску агульных рынкаў газу, нафты і нафтапрадуктаў

ЕЭК фарміруе нарматыўна-прававую базу для запуску агульных рынкаў газу, нафты і нафтапрадуктаў

IMG00622.jpg
03.09.2019

Калегія Еўразійскай эканамічнай камісіі (ЕЭК) 2 верасня разгледзела пытанні ў сферах гандлю, макраэканомікі, мытнага супрацоўніцтва, развіцця прадпрымальніцкай дзейнасці, канкурэнцыі, цыфравізацыі, фінансавых рынкаў, тэхнічнага рэгулявання, абарачэння лекавых сродкаў і медыцынскіх вырабаў, фарміравання агульных рынкаў электраэнергіі, газу, нафты і нафтапрадуктаў у краінах Еўразійскага эканамічнага саюза (ЕАЭС). 

Калегія ЕЭК зацвердзіла Парадак прадстаўлення ўпаўнаважанымі органамі дзяржаў-членаў ЕАЭС інфармацыі ў электроннай форме ў рамках фарміравання агульнага рынку газу Еўразійскага эканамічнага саюза і аналагічны дакумент па нафце і нафтапрадуктах. 

У Саюзе працягваецца падрыхтоўка нарматыўна-прававых дакументаў, неабходных для запуску агульных рынкаў газу, нафты і нафтапрадуктаў. Зацверджаныя парадкі вызначаюць правілы прадстаўлення ўпаўнаважанымі органамі краін Саюзу ў Камісію інфармацыі ў электроннай форме, уключаючы пералік інфармацыі, якая падлягае абмену, і перыядычнасць ажыццяўлення такога абмену. 

На партале Саюза будзе публікавацца інфармацыя аб асноўных вытворчых паказчыках газавай і нафтавай галін дзяржаў-членаў, аптовых цэнах на газ, нафту і нафтапрадукты, тарыфах на іх транспарціроўку, міжнародных дагаворах, методыках фарміравання тарыфаў на паслугі па транспарціроўцы газу, нафты і нафтапрадуктаў і інш. Таксама прадугледжваецца размяшчэнне звестак аб планах па мадэрнізацыі і будаўніцтве аб'ектаў газатранспартных сістэм, развіцці сістэм транспарціроўкі нафты і нафтапрадуктаў, аб інфраструктурных абмежаваннях пры транспарціроўцы i пастаўцы энергарэсурсаў паміж дзяржавамі Саюза. Публікацыя адпаведнай інфармацыі дазволіць удзельнікам агульных рынкаў аператыўна атрымліваць неабходныя звесткі. 

Парадкі прыняты ў адпаведнасці з зацверджанымі кіраўнікамі дзяржаў праграмамі фарміравання агульных рынкаў энергарэсурсаў. 

Зацверджаны тэхналагічныя дакументы ў галіне фарміравання, вядзення і выкарыстання адзінага мытнага рэестра аб'ектаў інтэлектуальнай уласнасці дзяржаў ЕАЭС. 

Адзіны мытны рэестр аб'ектаў інтэлектуальнай уласнасці краін Саюза ствараецца для мытнага кантролю над захаваннем інтарэсаў праваўладальнікаў і абароны рынку ад кантрафактнай прадукцыі. 

Прынятыя тэхналагічныя дакументы ўключаюць правілы і рэгламент інфармацыйнага ўзаемадзеяння паміж упаўнаважанымі органамі дзяржаў Саюза і ЕЭК, апісанне фарматаў і структур электронных дакументаў і звестак, якія выкарыстоўваюцца для рэалізацыі агульнага працэсу фарміравання, вядзення і выкарыстання адзінага мытнага рэестра аб'ектаў інтэлектуальнай уласнасці, а таксама парадак далучэння да агульнага працэсу. 

Мяркуецца, што будзе створаны агульны інфармацыйны рэсурс, які змяшчае звесткі аб усіх аб'ектах інтэлектуальнай уласнасці, якія ўключаны ў адзіны мытны рэестр. Вядзенне рэестра будзе ажыццяўляцца з выкарыстаннем асабістага кабінета на сайце Саюза. Прыём заяў аб уключэнні аб'ектаў інтэлектуальнай уласнасці ў адзіны мытны рэестр плануецца пачаць у сярэдзіне 2020 года.                

Калегія ЕЭК рэкамендавала краінам ЕАЭС прымяняць Дапаможнік па даклінічнай і клінічнай распрацоўцы камбінаваных лекавых прэпаратаў. Гэта рэкамендавана пры правядзенні адзначанай распрацоўкі, фарміраванні рэгістрацыйнага дасье на камбінаваны лекавы прэпарат, правядзенні экспертызы адпаведных дакументаў, а таксама пры рэгістрацыі і ўнясенні змяненняў у рэгістрацыйнае дасье на камбінаваны лекавы прэпарат. 

Дапаможнік вызначае адзіныя падыходы да даклінічнай і клінічнай распрацоўцы камбінаваных лекавых прэпаратаў (фіксаваных камбінацый лекавых сродкаў, фіксаваных дазаваных камбінацый лекавых сродкаў), якія змяшчаюць два або больш дзеючых рэчывы ў адной лекавай форме. 

У дакуменце змяшчаюцца рэкамендацыі па стратэгіі распрацоўкі лекавых прэпаратаў, у залежнасці ад ступені навізны камбінацыі і вывучанасці кампанентаў камбінаваных лекавых прэпаратаў. У стратэгіі распрацоўкі прапісаны аб'ём даклінічных даследаванняў бяспекі і эфектыўнасці камбінацыі, прадстаўлены ўказанні па выбары віду клінічных даследаванняў: даследаванняў замяшчэння манатэрапіі, даследаванняў новага эфекту камбінацыі і бiаэквiвалентных даследаванняў. 

Прыняцце дапаможніка будзе з аднаго боку садзейнічаць скарачэнню выдаткаў фармацэўтычных вытворцаў на вывучэнне фіксаваных камбінацый, а з другога – выключыць вывядзенне на рынак камбінаваных лекавых прэпаратаў, якія не прадстаўляюць сабой эфектыўных камбінацый з пункту гледжання доказнай медыцыны.​