Вход
Савет ЕЭК прыняў рашэнні ў дачыненні да фтарыду алюмінію і плавіковага шпату

Савет ЕЭК прыняў рашэнні ў дачыненні да фтарыду алюмінію і плавіковага шпату

IMG_4556.JPG
01.02.2021

Савет Еўразійскай эканамічнай камісіі на пасяджэнні 29 студзеня падоўжыў тэрмін дзеяння нулявой імпартнай пошліны ў дачыненні да фтарыду алюмінію, які выкарыстоўваецца ў якасці кампанента электраліту пры вытворчасці алюмінію. Мера будзе дзейнічаць па 31 снежня 2023 года.

«Унутраная вытворчасць фтарыду алюмінію ў Саюзе пакрывае патрэбы алюмініевых прадпрыемстваў толькі на дзве трэці, недахоп кампенсуецца пастаўкамі з трэціх краін. Такім чынам, прынятае рашэнне спрыяе зніжэнню выдаткаў вытворчасці і падтрыманню канкурэнтаздольнасці алюмініевай прамысловасці Саюза», – растлумачылі ў гандлёвым блоку Камісіі.

Акрамя таго, быў завершаны разгляд пытання, якое датычыцца абнулення стаўкі ўвазной мытнай пошліны ў дачыненні да плавіковага шпату. У снежні мінулага года Калегія ЕЭК прыняла рашэнне аб выдзяленні ў ТН ЗЭД ЕАЭС асобнай пазіцыі для плавіковага шпату з утрыманнем фтарыду кальцыю 95-97 мас.% і зніжэнні ў дачыненні да яго стаўкі імпартнага тарыфу з 10% да 0% на адзін год. Для забеспячэння юрыдычнай чысціні гэтай меры і яе ўвядзення ў дзеянне было неабходна прыняць рашэнне Савета Камісіі, якое ўлічвала б гэтыя змяненні ў ТН ЗЭД ЕАЭС у іншых актах Камісіі, у прыватнасці, у пераліку прэферэнцыйных тавараў, якія паходзяць з краін ў стадыі развіцця і найменш развітых краін.

Плавіковы шпат выкарыстоўваецца пры вырабе фторыстага вадароду, які, у сваю чаргу, прымяняецца для атрымання больш складаных фторзмяшчальных хімічных злучэнняў, неабходных у машынабудаванні, авіябудаванні, нафтаздабычы, медыцыне, касметалогіі, хімічнай прамысловасці, электратэхніцы і пры вытворчасці бытавых прыбораў.

«Вытворчасць плавіковага шпату з утрыманнем фтарыду кальцыю 95-97 мас.% на сённяшні дзень ёсць у Казахстане, аднак яго аб'ёмы недастатковыя для забеспячэння патрэбнасці перапрацоўчай прамысловасці Саюза ў поўным аб'ёме. Як чакаецца, мера, якая ўводзіцца, дазволіць знізіць сабекошт вытворчасці фторзмяшчальных прадуктаў у ЕАЭС, улічваючы ўзмацненне канкурэнцыі з боку кітайскіх кампаній», – адзначылі ў гандлёвым блоку ЕЭК.​