Вход
Тэхнічны рэгламент «Аб патрабаваннях да энергетычнай эфектыўнасці энергаспажывальных прылад» уступіць у сілу 1 верасня 2022 года

Тэхнічны рэгламент «Аб патрабаваннях да энергетычнай эфектыўнасці энергаспажывальных прылад» уступіць у сілу 1 верасня 2022 года

IMG_4584.JPG
01.02.2021

Савет ЕЭК 29 студзеня прыняў рашэнне аб пераносе тэрміну ўступлення ў сілу тэхнічнага рэгламенту Саюза «Аб патрабаваннях да энергетычнай эфектыўнасці энергаспажывальных прылад» (ТР ЕАЭС 048/2019)» на 1 верасня 2022 года. З такой ініцыятывай выступіў расійскі бок.

Тэрмін перанесены ў мэтах прадастаўлення дадатковага часу вытворцам для забеспячэння плаўнага пераходу на патрабаванні адзінага тэхрэгламенту. Рашэнне таксама ўлічвае неабходнасць правядзення мерапрыемстваў, накіраваных на нармалізацыю дзелавога клімату і аднаўленне дзейнасці бізнесу ва ўмовах паэтапнай адмены абмежаванняў, звязаных з распаўсюджваннем новай каранавіруснай інфекцыі.

Акрамя таго, гэтым жа дакументам устаноўлена адкладзеная норма ў дачыненні да маркіроўкі аб энергетычнай эфектыўнасці пыласосаў, а таксама перанесены тэрмін уступлення ў сілу: рашэння Савета ЕЭК, якое ўстанаўлівае формы этыкетак энергаспажывальных прылад розных відаў і правілы іх афармлення, на 1 сакавіка 2022 года; асобных патрабаванняў, устаноўленых у дадатках №№ 3, 5, 6, 9, 12, 13 і 14 да тэхрэгламенту, на адзін год.​